Здраво,
@Ipkisija Meskosa мене ми здодеа качување по скали по 6 ипол години живеење. Поточно, ми здодеа во Јуни 2021, моментот кога требаше во една рака да носам 2 ипол годишно дете, а во другата рака транспортер во бебенце. Едноставно, too much ми дојде тоа 😊 Од тогаш пасивно барам 3-4 собен стан во Аеродром или Карпош 2/3, кој ако е над 3ти спрат барам лифт. И гаража, ми скисна летно време да се качувам во напечена кола. Ова со гаражата ми е како желба, оти сакам и мотор да си земам.
Живеам на 4ти спрат во зграда со рамен кров и црвена гитерка (читај без изолација).
Прво за кровот.
Кога го купував станот имав во предвид дека кај и да е ке треба да се замарам со кровот, и со време си одвоив средства. И цената на m2 при купување го рефлектираше тоа. До сега ми нема протечено, но само прашање на време е кога, и тоа само заради комшијата. Јбг, тоа не можеш да го знаеш пред да се вселиш.
Проактивно, пред неколку години ангажирав фирма која го “реновираше”, го извадив песокот, премачкавме се, ставивме некоја гумена материја бела како демек да намали греењето летно време. Ме кошташе 2000 евра и добив 10 годишна гаранција.
Ова сам си го платив, ама реално требаше да го ставам на трошок на зградата. My bad.
Малце ми е криво што не можам да ставам како сите нормални лимен кров и топлинска изолација, ама тоа е, едноставно одводот на атмосверска вода поминува во заеднички ѕид со комшијата, но тоа е друга приказна. 2 пати се понудив да му го купам станот, ама тоа е тоа.
Околу топлина летно време, Јули и Август си вклучувам клима во 13-14h и си работи до кај 1-2h сабајле. И така.
Во врска со одењето. Нема да лажам, година ипол ме измачив во транспортерот на второто бебче. За првото не го ни осетив бидејки можев со рака да се држам за оградата. При качување на второто бебче во другата рака најчесто ја носев поголемата, и тоа ми дојде проблематично.
Откако конечно почна малата сама да се качува, одма ми е полесно.
Самото одење воопшто не е проблем. Навика е. Има моменти кој нервираат, која треба 3-4 пати да излезеш од дома, кога треба да качеш повеке пијалоци, ама се навикнува човек и си прави систем. Јас си имам ранец во кола, и скоро секогаш купувам до кај 7 шишиња. Си имам икеа торба и се друго оди во торба. Кога има повеке работи, или 2 одења, или преостанатото го качуваш на наредното качување.
Се е преференца, јас сега да бирам, пак би земал на 4ти без лифт во постара зграда отколку во поновите згради и да го слушам комшијата над мене. Кога ке бидам постар и ке ми ослаби слухот (читај кога ке ги испратам децата на факултет), најверојатно ке одам во стан со лифт.
Со среќа потрага.
Мене најмногу што ме нервира се новите понуди на згради низ Скопје, со 4 ката, каде приземје доаѓа со двор, а последен кат со кров за користење. Проблемот е што најчесто тие се поделени помеѓу сопственикот на парцелата и инвеститорот, а на продажба се нудат 1,2 и 3ти кат.
И сега замисли, тој на приземје ке го користи дворот, неговите деца ке си играат надвор, ке си намести базент летно време, а ти оди објасни и на твоите деца дека не може. Или ке ти пече скара под прозор секој викенд, и цел стан ке ти мириса.
Од друга страна, тој на последен кат може да прави журки на кров, или уште полошо, да го изнајми на некое дете кое е на некој бизнисмен надвор од Скопје и дете за кое не постојат правила, и каде полиција не интервенира оти татко-то бил близок со некој.
Ова се вистински проблеми и искуства на луге кој ги познавам, и затоа тие малите згради ми се опасни за инвестиција, а најдов 2 во градба кој ме бендисаа ама последниот спрат имаше многу поголема цена од претпоследен спрат заради користењето на кровот.
