И по Тито, Тито!
Епа, ајде - да покажам!
Ова е мојот Obodin White Golf 8 GTE. Плаг-ин хибрид со 1.4-литарски TSI со 150 коњски сили, батерија со капацитет од 13 kWh (достапни 10.4 kWh) и електромотор со дополнителни 110 коњски сили. Вкупната, системска моќност е одлични 245 коњски сили и 400 Nm вртежен момент. DSG6 автоматски менувач и погон на предните тркала, нормално. Стига до стотче за 6.7 секунди и до максимални (мислам) 225 километри на час. Првите впечатоци се многу, многу позитивни.
Со едно полнење на батеријата проаѓа меѓу 40 и 50 километри. На ладново околу 40, ќе видиме понатаму. Секако, имам уште за учење.
Има работи кои ми се допаѓаат - седиштата, возачката позиција, воланот (и тие капацитативните копчиња на воланот стварно не се никаков проблем), прегледноста, сите тие работи. Има работи кои не ми се допаѓаат - на пример, задниот браник и веѓата меѓу фаровите. Ќе пробам да ја исклучам. Софтверот во колата е така-така и на моменти работи одлично, на моменти не баш толку одлично. Има некои апдејти кои треба да се напраат, ама тоа е тоа.
Од опрема, има еден куп ствари. Предни и задни сензори (нема камера), адаптивен темпомат, LED светла напред и назад, навигација, сите системи за асистенција, итн, итн. Дополнително, дојде со два комплета тркала - ова се зимските тркала и гуми (Pirelli Sottozero во димензија 205/55/17), а има и уште едни (според мене поубави) со Goodyear Eagle F1 Assy3 FP во димензија 225/45/17.
Е сега, зошто плаг-ин хибрид? Од неколку различни причини. Let me explain.
Прво, I decided to put my money where my mouth is и да видам како е да се живее со плаг-ин хибрид. Цело време трубам дека плаг-ин хибрид е идеалната комбинација, па ете, да видам дали стварно е така. Ја имам таа привилегија да живеам во куќа со двор, па имам каде да ја полнам колата. И сакам целото тоа да го споделам јавно - па следните 12-тина месеци на CARclub.mk ќе се објавуваат месечни статии во форма на супер-тест. Бројки, статистики, потрошиувачка, перформанси, а-у. Колку што можам повеќе да извлечам. Плус, давачките за увоз на PHEV се пониски бидејќи има 50% ослободување од данокот за возила (поранешната акциза) па и цената искочи привлечна.
А како стигнав до колава? Колата не е нова-нова. Произведена е во Август 2021 и има поминато 24.000 километри. Ми ја увезе Порше Македонија, мање-више по нарачка. Јас им дадов параметри, они по тие параметри ми најдоа возило. Возилото не ги исполни сите параметри (рецимо, сакав не-бела боја и сакав да ги има магленките во предниот браник, али јебига), но ги исполни (и надмина) повеќето од параметрите, вклучувајќи ја и цената. За возилото (уште пред да го потврдам) добив 18 страни документ од DEKRA со целосна инспекција. Сервисна историја - освен еден направен сервис во Германија - немаше. Возилото стигна, си истера уште една проверка тука, плус во цената беше вклучен и уште еден редовен сервис - и тоа е тоа. Цената (до регистрација) беше 26.300 Евра.
Процесот траеше месец и кусур (плус пропратните процедури кај нас, уште чекам таблички, во моментов е на пробни, а овие беа стаени само за сликање).
Планови? Ехеее, еден куп - ама за тоа, кога ќе дојде ред.
И нормално...
