Има некој активен на форумот што моментално живее на поткровје?
Во понова зграда, не поткровје со еден куп косини, туку овие поновиве, со плоча и над неа кров, пример вака нешто, чисто илустративно:
Мислата ми лута натаму да барам некој стан на поткровје, малку да одморам од лумпувањето над глава, шетање со штикли, трчање со кучиња и прескокнување на пречки и слични такви маратонски дисциплини.
Од она што сум го поднаучил за поткровје, прво и основно е дека под кровот треба да си има изолација, мошне битен фактор за лето/зима. Кога би зел во фаза на изградба, би побарал да ми стават звучна изолација на ѕидовите кои граничат со друг стан.
До сега бев убеден дека стан на приземје и поткровје нема да купам. За приземје сеуште си стојам на ставот, ама за поткровје изгледа го сменив ставот.
Би сакал да слушнам лични искуства за живеачката на поткровје, доколку некој од тука ги има.
Исто така ме интересира за колку време се здосадува качување до 3ти кат без лифт (рандом симпатични зградичиња кои ми се допаѓаат со таа катност најчесто се без лифт) и дали од старт да ја отпишам таа опција, поткровје во зградиче без лифт?
Размислував и за куќа, ама во делови каде што би сакал да живеам, цените се научна фантастика (не дека цените на становите се според вистинска приказна, секако и тие се научна фантастика, ама се со помала квадратура и се само неколку бубрези), а некаде „понастрана“ не ми се прави ќефот, има од тука другари што пробале и се вратиле во урбаната средина.
Значи почнувам да ја разгледувам опцијата поткровје, pros & cons
Секој совет е добредојден. Тенкс
