Според мене клиото има одличен дизајн, со набабрени крила и заоблени линии, без оглед на тоа што мислам дека линијата на кровот би требало да биде малку пониска. Предните светла и знакот се доста големи, но како што спомнав поголеми елементи даваат претстава дека автомобилот е помал. Прозорчето позади задната врата е повеќе дизајнерски отколку функционален еленент, не гледам што е чудно тука. Работите кои не ми се допаѓаат кај екстериерот се DRL ледовите и бандажите кои можат да се отстранат по кратка постапка.
Во внатрешноста, далеку повеќе ми се допаѓа воланот од оној на постариот модел, но дигиталниот брзиномер и испакнатата централната конзола се работи кои неможам да ги смислам. Седењето е високо за мој вкус, бидејќи сум навикнат кога возам да бидам поблиску до подлогата.
Трицилиндарскиот турбо бензинец со неговите перформанси е одличен за низ град, но јас би го возел само со слушалки на уши или ако може да се добие со системот за репродуцирање на звук од GTR низ звучниците што го има RS верзијата. Би сакал да се провозам и во дизел верзија.
Имав големи надежи за новово клио, па можеби и затоа сум малку построг. Доколку би купувал ново возило од оваа класа, плус поради високата цена, тешко дека би го земал во предвид.
