Кога го купував возилото, 90% бев однапред одлучен што да земам, односно дека ќе го земам тоа што го земав. Оставив тие 10% да видам конкуренција што ќе каже.
Значи барав конкуренција во турбо бензинец, пошто само тоа ми беше во игра и направив една мала обиколка кај тие што имаат во понуда. Конкуренцијата (на Леонот) беше Голф, Астра, Меган и Браво.
Отидов прво во Рено на Првомајска. ИМаше едне модел изложено и тој беше со 3 врати со спојлери, 18-ки...Првата помисла ми беше, нели треба да се изожи она што најдобро се продава, ама нејсе. Се вртиме со сопругата 10 минути околу колата, никој не доаѓа. Едно време една г-ѓа од позади еден стуб издаде глава и викна „Повелете“. Не’ интересира Меган 1.4Тце со 5 врати, велам јас. Она врати, има позади на плац, може да го видите, ќе дојдам за 5 минути. Се погледнавме со супругата и низ врата, ЧАО. Знам дека има салон и кај Зајчев рид, ама веќе го имав мислењето за вработените во Рено, така да не отидов таму.
Отидовме после во Порше Македонија. Застанавме до тоа што не интересира. Веднаш дојде едно кукле
, дотерано, средено и се извини дека моментално одговорниот збори на телефон и веднаш ќе дојде, ако може она да ни помогне. И кажав, Голф 1.4ТСи и ми даде одма едно ливче, кога видов цената, седнав во голфот да не паднам, 23 и кусур иљади јевруши. Читам таму, Хајлајн опрема, со кожа, стаклен кров, алу бандажи.... викам чекај јас ќе почекам дечкото, на девојкава не и е тоа работа. 5 минути почекавме додека да заврши, дојде се извини, скоцкан, среден и се однесуваше спрема нас како што треба да се однесува секој што пробува да ти продаде нешто. Односот го сведе на нашето годиште, пресентирајќи буквално све од технички аспект до маалски муабети. Од цена, попуст, гратис, до избор на боја, испорака и сл. Значи буквално го продаде Голфот. Секоја чест.
Потоа отидовме до Фиат, имаше црвено Браво во салон, кукле. Седи, отварај, врти се и конечно му текна на еден лепотан со итаљанска фризура да не услужи. Опрема, цена? Ми даде лист и вели еве тука шишува. Аха, добро, тоа и во весник го пишува си велам. Викам како е со потрошувачка, а он си ја мазни косата и вели: „види, сакаш турбо бензинец, немој да ислиш дека нема да ти троши, ова те мами да го стискаш, така да троши“. И толку.
Продолживме до кај нашиве, Жане не услужи, прекрасна г-ѓа, со одличен пристап кон муштериите. Се мислевме за Алтеа, а немаа во моментот во салон но имаа спремна за испорака во гаража. Па еден г-дин се симна со мене, објасни се како што треба. На крај попуст, гратис, дај си рака и збогом мајко.
Стварно не разбирам, како нашите импортери си дозволуваат секој да работи во директен контакт со муштериите. Продаваат производи во иљади евра, а си дозволуваат со најмала грешка да ги изгубат истите. Незнам дали односот е таков заради бројките кои продавачите ги земаат како плата, но тоа мене како краен муштерија не ме интересира. Продаваш бренд и твое е да го средиш односот.
