Годинава, 4 пати сум биден Охрид и назад. Кој го оди патот знае каков е.
Обично го возам слалом и внимавам максимално, ама последниот пат на идење саглам ја закачив левата страна во некоја саксија.
При враќање за Скопје забележав вибрации на волан измеѓу 110-130км/ч, подоле не, над тоа не. (воедно ме плашеше да не се од дистанцерите вибрациите)
Претпоставував на што ќе се сведе работата па тргнав со ред.
Ја однесов на центрирање на Илинденска (таму беше Тихо, ама сега е изгледа некој друг).
Ја стави на тоа ласерите вика си имал удес.
Викам зависи што подразбираш под удес, ама дека мавнав, мавнав.
Да вика, се гледа. И воланот не бил на средина, имаше некоја мала отстапка. И самиот ми кажа дека сум плеснал со лева страна, така да се поклопивме.
Среди тоа, ја дотера во фабрички вредности, задницата рече дека нема никаква отстапка од пропишаното.
Од таму, извадив на обиколница. Шипак, пак тресе.
Од обиколница во Стоп & Го.
Објаснив таму што и како е, и побарав да ги пребалансираат сите тркала.
Ко за беља, го фатија прво предното лево и ме викнаа таму и ми покажаа колку е уствари свиткан бандажот.
Ги проверија сите, другите 3 исто имаа отстапки, ама не колку првото.
Сите тркала бараа по 15-30гр. тегчиња.
Тука ќе истакнам за љубезноста и профи настапот на дечкото кој е одговорен таму.
Се јави на Глигориј и праша за исправање, тој побара да му ги однесам бандажите.
Стоп и Го се понудија да ја стават на дигалка да ги извадат тркалата, да ги извадат бандажите, да ги товарат во комбе и заедно со мене да ги однесат кај Глигориј. И исто така да ме вратат и повторно монтираат тркалата.
За таа услуга кажаа дека нема да ми земат ни денар и ќе го платам само тоа што ќе ми побара Глигориј.
Секоја чест, макар и зеле иљадарка или колку од Глигориј, што не ми се верува.
За жал мене ми беше преголема екскурзија ова, а во меѓувреме дознав дека Мотоцентар Момин Поток исправаат бандажи.
Ми рекоа дека во зависност од состојбата исправањето е 1.000-1.100 од тркало, ама ќе средиме за цена.
Се договорив со дечките, ја оставив и после 1ч20мин ми се јавија да ја земам колата.
Ми наплатија 700 по тркало + демонтажа/монтажа 400 + пребалансирање 600 или 3.800 и искористив некој бонус што имав на картичка, испадна 3.230ден.
Од тука пак на обиколница и немаше тресење.
Останува малку повеќе да ја збркам некое одење, по угорница (вака најмногу се осеќаше) па да видам дали е се отклонето како што треба.
*ме копкаше па прашав и тука и во Стоп и Го за дистанцерите, одговорот беше ист, дека доколку се соодветни за возилото а не експерименти, ако се хаб-центрични нема никаков проблем со нив
