Пошто не ми текнува да се наканам да ја сликам како што треба, ќе ја представам и ќе ставам сликици што сум ги штракал рандом.
Се работи за
Alfa Romeo Giulietta Quadrifoglio VerdeОсновни податоци:
Wheelbase 2634 мм
Track/tread (front) 1554 мм
Track/tread (rear) 1554 мм
Length 4351 мм
Width 1798 мм
Height 1465 мм
Kerb weight 1395 kg
fuel tank capacity 60 litres
Drag coefficient 0.31
Capacity 1.7 litre 1742 cc
maximum power output 235 PS (232 bhp) (173 kW) at 5500 rpm
Specific output 133.2 bhp/litre
maximum torque 340 Nm (251 ft·lb) (34.7 kgm) at 1900 rpm
Specific torque 195.18 Nm/litre
Од опрема поседува се она што треба да поседува една кола, дополнително како стандард за QV има спортска суспензија, 18 инчни тркала, црвени шепи на диск кочници, а дополнително има стаклен кров.
Од опрема што очекував да ја има, а нема, е темпомат. Не дека ми фали, на Леонот во седум години 3 пати сум го уклучил, ама фали како цртичка или тире.
Нема резервно тркало, туку со колата следувало сет за самовулканизирање, кој фалеше кога ја земав колата. Под патосот од гепекот има дополнително простор за оставање работи.
Колата е од 2010 година и јас кога ја земав на километража викаше 64.933 км поминато.
На 65.090 км направив сервис каде беа променети масло, филтри, глицерин во Аутомобиле СК
На 65.283 км пазарени теписонски патосници по мерка од
@Samad На 65.292 км бандажите беа дадени кај
@DARK MK1 GTI на средување
На 65.305 км сменети старите гуми, 2 Барум напред кои многу слабо ја држеа колата и беа пребучни и 2 Матадор кои беа на распаѓање, со Continental Premium Contact 6.
На 65.400 км хемиско и полирање, керамичка заштита кај
@dame На 65.648 км сменет акумулатор Topla затворен систем. Кога сум кај акумулаторот, тука падна првата Алфа дешавка. Најјако откажува акумулатор на Алфа: давам контакт колава пали, а ништо не работи и сите сијалички се запалија. Си викам, ту бре, одма ли да осетам од ова Алфава, дај бар малку да се порадувам. Ниту радио работи, ниту светла, жмигавци, НИШТО, само вози без проблем. Абе километражата не вртеше, си стои во место. Правец Аутомобиле СК, они викаат, абе овој фабричкиот е изгледа, трк по нов. И би нов.
На 65.656 км центрирана предница и задница кај Тихо.
На 66.300 км сменети свеќици во Аутомобиле СК
Следно на дневен ред е да сменам комплет каиши затегачи итн.
Околу колата.Kолава уште откако излезе ми беше трн во око. Не можев да и ја сватам муцката, а ми беше преубава. Предните светла од напред ми изгледаа чудно, од страна убаво. А пак како целина ми беше еден од најубавите хечови и пред се различен. Ама секогаш сум ја гледал како скала повисоко од она што може би можел да си дозволам.
За годинава, уште претходната кроевме планови да земеме возило. Целевме на BMW 3 2009 >. Благодарејќи на форумов и пред се советите на
@Luki Junior , доста научив за беемвејците и се фокусирав на тоа што треба да барам. Но, според моите критериуми, ќе требаше да се испружам барем 14-15 иљадарки. Па после некое време нечкање, калкулирање дојдовме до заклучок дека поголема кола од хеч не ни е потребна. КОлата се вози 90% низ град, треба да се паркира, со багажен простор сме немале проблем...така да пресекот беше, ОК, ќе тераме со Леонтич уште некое време, па понатаму ќе му ја мислиме.
Една недела откако баталивме „ново“ возило, некој ја стави Џули на оглас. Очите ми испаднаа. Според цената, не се ни заинтересирав на прва пошто очекував дека нешто не е во ред со колата. Па го прегледав огласот 5-6 пати. Па Алфистиве
@Simo - Carrier159 и
@cuoresportivo159 веќе и отишле ја пробале. Па и од
@osmica8 доби препорака. Е маму му. Ај стегнав заби отидов и јас да ја видам. Славчо, продажниот менаџер на Олимпија, ми вика абе многу ја подценивме колава има интерес како за ниедна до сега. И ми ја прераскажа состојбата, па отидовме да ја пробаме на обиколница. И си отидов од Олимпија со палецот у уста. Викам да спомнам дома, ќе ме преселат сосе папучи и забрана за пристап најмалце 200 метри. Ама па ако не пробам...
Прво го пуштив огласот на госпожата, уште неприбран дома и добивам повратно колку е добра колата. Хммм...
Идам дома го посран голуб и госпожава ме гледа и ми вика:
- ама ти си бил и да ја возиш а?
- да
- и?
- ај да седнам..
и си поприкажавме така и на крај се сведе на:
- Марјане, поживеј си го сонот додека можеш, ќе остариш па може ќе се каеш. Здравје, имаш време за пензионерски аута.
И така се стори работата.
Џабе се сите бројки погоре и забрзување и коњажа и ватажа, колава на секое притискање на папуча на гас те тера да се кикотиш во себе ко мало дете, а сопатникот до тебе скришно да кочи таму негде позади патосница. Оди ко по шини, кочи ко падобран да има позади.
Не ми се допаѓа звукот кога работи во лер (има дизелски звук), ама понатаму работи мазно и свилено до кај 2.700 врт/мин, па понатаму веќе е празник за уши.
За мој вкус се преблиску педалите и ми требаше некои 3 дена за да ги навикнам.
Ми смета што појасите не се подесуваат по висина, ама и на тоа се навикнав.
Ми смета што фиокичката над централна конзола не сум ја средил. Скршено е курето што треба да фати да се затвори и стои подотворена. (стандард било кај Џулиетиве). Или може ќе купам нова за 6.700 ден без попуст.
Ако треба да споредам со Леонот, во поглед на комоција ова e пола кола повеќе. Повеќе место позади, поудобна, поконфорна, поголем гепек. Зачудувачки многу место има лево од возачката позиција.
Квалитетот на пластиките внатре е одличен, чувството е премиум. Кожата е врвна, иако мене повеќе ми се допаѓаше перфорираната кожа на воланот на Леонот отколку мазната тука.
Многу сум поодморен после пат во Алфава иако е на спортско подвозје и со 18-ки, отколку што бев во Леонот на 17-ки и спортски спирали.
Да не се расплинувам, пошто роман напишав, колава се чува за внуци. Секој километар поминат со неа представува радост и задоволсто.
И едно видевце на крај:
