Денес имав тест-драјв на CX-6e во Takumi Plus опрема (21 инч тркала) и на 6e во Takumi, при што втората беше со 19-инчни тркала. Бидејќи веќе ги имам гледано скоро сите видеа на YouTube за двата автомобила, обрнав внимание на тоа како да го наречам, малото потскокнување или тресење кај CX-6e. Едвај е забележливо, но го чувствував скоро през целото време, бидејќи патиштата не беа совршени.
Исто така кога ќе стиснеш на гаста до даска, 6e повлекува доста забележливо, додека CX-6e помалку, што за мене е дури и подобро.
Во поглед на просторот, за високи возачи како мене (199 см), CX-6e секако е подобар избор, но не би го отпишал целосно 6e овде, бидејќи положбата на рацете додека го држите воланот е за нијанса подобро кај 6е.
Квалитетот на изработка е доста добар, по мое чувство дури би рекол премиум.
Ги возев двата автомобила со сопругата и 2 деца, и сите се согласивме дека CX-6e би можел да ни биде следен семеен автомобил.
За потрошувачката, ја возевме истата рута со двата автомобила, околу 40-45 км со секое од возилата, а бројките беа: CX-6e 18,3 kWh, додека 6e беше 16,2. Возењето беше и на регионални патишта и на автопат со брзина до 160 км/ч, главно околу 130 км/ч.
Вчера бев и до салонот на Тесла во Франкфурт, да ги видам модел 3 и модел Y. Го имаа само модел Y во салон, во основната варијанта. Да не претерам, ама и да претерам нема да згрешам ако пишам дека ентериерот, квалитетот и чувството е како да си во најефтино возило, некое од 10000 еур, а не од 37000. Башка тој минимализам не ми се свиѓа воопшто, споредено со маздата е нула. Во Premium сетап демек е подобро, ама тоа веќе е 52К еур, не би дал толку за тоа возило, па ако сака и само 10 кв на 100 нека троши.
Тргнав да го видам и Enyaq од Skoda, ама го немаа, и пошто од карши беше Cupra салонот, викам ај да видам што имаат таму. Tavascan-от ме изненади пријатно, и со простор и како добро изгледа. Поскап е од маздата, малце е помал внатре, ама се мислам да закажам тест возење и да видам како вози, а и како ќе не собере. Иако е поскап од маздата, често го има на промозии за лизинг со прилично добра месечна рата.
