Само малку логика е потребно, и напредно познавање на математика.
Дени, не живееш во Нов Зеланд, колку да те подсетам само. Разбуди се.
А замисли ограничувањата да се мрднати малце од пред 40 години, исто како што мрднала и технологијата? Еее, колку убав свет би било тоа..
Се согласувам, но за не повеќе од 10% или во глобала по 10 километри на час и тоа по автопатите. Во град и 60 е веќе на граница на прифатливо.
Сепак не ми одговори на прашањето како би се чувствувал во ситуацијата која што ти ја посочив, односно дали ке се смета дека твојата кола е скапаница и е за на преса ако го учукаш тој со Ѕ класата пред тебе на кочење?
Еве мал осврт околу логиката на Дени, која за Македонија мислам дека не важи:
Во Македонија, поточно ке го спомнам патот Скопје-Тетово, на кој Дени стави акцент, за ограничување, односно зголемување на ограничувањето. Да почнам од почеток, односно од излезот на Скопје:
1. Секој жител од околните села може кога сака, како сака и во било кое време да прерипа ограда (нема заштитна ограда или истата е скината, оштетена, украдена за оградување на кокошарник и слично).
- Дали Дени ке се осеќаш безбезно да возиш 130 на автопат каде што секој момент може да ти прескокне дете пред кола? Дали ке успееш да реагираш на 130? Истото важи и за 100-тка, но веројатноста за реакција од 130 до 100 е околу 200% . + Ноќе кога нема ни светло на клучките - осигурачите се извадени а каблите украдени и продадени во отпад заради бакарот.
2. На секој 500 метра има продавачи кои продаваат сезонско овошје, односно јагоди, лубеници, дињи итн итн. Дали мислиш дека додека јурњаш со 130 неможе некое дете да ти влезе под тркала?
3. Да не зборам за животни, во најдобар случај мачиња и кучиња, а имам често сретнато и овци, кози, крави и коњи кои галопираат небаре се на хиподром.
4. Длапки, дупки, крпеници? Највеќе ми е страв од дупки, кратери и длапки. Поготово кога ке заврне дожд па можеш да налеташ на воден клин...
Ако продолжам понатаму, ке испадне дека и овие прописи кои се дефинирани за тој пат се предозволени.
Значи не сакам да убијам некого и да го лежам затвор затоа што он е несовесен, туку сакам да си биде се ОК затоа што сметам дека јас сум совесен. А бидејќи ја знам ситуацијата во ова што се нарекува држава, мислам дека не сакам да лежам затвор заради Х фактори.
Инаку кога патиштата ке бидат безбедни, со заштитни огради, со мачкини окца каде што се знае кај е крајот и кај е почетокот односно широчината на патот, кога ке нема дупка на сред автопат за да искршам глава од ударот, кога ке нема длапка на 90 да ме исфрли како да сум скокнал од тротоар (после мостот и левата кривина кога се оди накај гевгелија после бензиската лукоил) или на враќање ист случај, прописна сигнализација и знаци на патот, тогаш ке бидам за зголемување на ограничувањето на брзината на патот.
Сите ризици ке бидат сведени на минимум. Сегашнава состојба е само една голема среќа да возиш со брзина поголема од пропишаната на нашите патишта.
И точно е @zeroSignal дека ништо не се сменило од пред 40 години и покрај технологијата што отишла напред.
Разликата е тоа што пред 40 години се правеле квалитетни патишта кои не пропаѓале после првата година, разликата е тоа што никој не крадел заштитна ограда, или доколку истото се случело постоела служба која го санирала тоа во најкус можен рок, разликата е тоа што тогаш ивиците од патот биле прописно обележени со бели флуоресцентни ступчиња на кои имало мачкини окца итн итн...
п.с. Да не ја заборавам свеста на луѓето тоа време и ова сега!.
Се надевам дека сум барем 5% во право од 95% кои ти ги наведе за покачување на ограничувањето на брзината за управување на моторните возила.
