Проблемот со паркирањето се решава системски. Се слагам дека паркирањето на тротоар е непрактично и погрешно - ама дали сме застанале за да се прашаме зошто луѓето паркираат на тротоар?
1. Премногу возила. Ова сум го спомнал неколку пати - во Македонија од 1991-ва па до сега се продадени околу 150.000 нови возила. Во последниве 4-5 години (од кога се олесни увозот) се увезени некаде околу 200.000 половни возила (мислам дека бројката може да е и поголема). Плус се претпоставува дека има околу 30-50.000 нерегистрирани возила. Значи, имаме премногу возила на улиците, а недоволно паркинзи за да ги опслужиме.
2. Недоволно паркинзи. Да, се прават разно-разни катни гаражи - но за жал, сето тоа не е доволно. Катните гаражи имаат капацитет за неколку стотина возила. Ете, нека има 15 катни гаражи во градов (а нема), пак не е доволно. Во центар има и отворени паркинзи кои или се преполни, или се прескапи (за просечниот македонски џеб). Јас лично не се слагам дека паркинг може да биде „прескап“ - имаш пари за кола, имаш пари и за паркинг. Од друга страна, никој од платените паркинзи не ми ја гарантира безбедноста на возилото.
3. Недоволно култура. Ова е верглано и верглано и верглано. Си бара друг пристап.
4. Во потегот од Центар кон Рузвелтова има навистина многу гужва - многу канцеларии, многу луѓе тука живеат, итн - а нема катна гаража. Односно, има - таа позади универзална, ама таа ем е 50 денари саат (50 денари, алоооо!), ем има минорен капацитет.
Го спомнуваш Дебар Маало. Во Дебар Маало се паркира на тротоар само на некои делови на Орце Николов, а генерално се паркира на улица. Го решија тоа со зонското паркирање (кое повторно налага паркирање или на улица или на тротоар).
Лесно е да се обвинат колите и возачите, ама никој да размисли и да понуди решение. Сите големи градови во светот функционираат примарно со јавен сообраќај.
