Денес финализирав една-две ситници на колата. Бандажите и гумите ги наместив вчера, сабајлево од пошта ги зедов и централните капачиња, да ја измијам колата после дождов и ќе постирам слика од целосниот резултат.
На тема тркала, ги извозев зимските гуми вчера до Скопје и назад. На топличко и суво гумите се феноменални, не ја штедев многу а лепеа ко луди. Потивки се и помеки од летните PremiumContact6 шо ги добив со колата, иако не е фер споредба бидејќи Контито беа 6 години стари.
Друга работа која стигна денес е куглата за мењач од Squadra Sportiva. Мене не ми е јасно зошто на пример Алфа не ставиле вакво нешто од фабрика, можда евентуално со испишани брзини негде, ама тоа е што е. Фабричката кугла е пластична, и познат проблем е дека сребрената боја горе се љушти при употреба. Претходниот сопственик кај мене ставил заменска, од AliExpress, која ем не беше стегната како шо требит и ротираше лево десно, ем ја фарбал со лак за нокти за да се познаваат брзините ... се познават на сликата се, ама општо земено, многу лоша состојба.
Се помислив за OEM, ама и тие беа по 65-70 евра и пак беа пластични, па решив за 70 евра да ја земам оваа, изработена од алуминиум и кожа. Разлика ден и ноќ, и во изглед, и во чувство при промени. Црвениот конец ептен се погоди со конецот на кожата долу, на рачната, на воланот и на седиштата. Јас сум задоволен, а еве и слики пред/потоа.
