После подолго време читкање на форумов и повремено вклучување во теми овде-онде, и апсолутен недостиг на воља да го претставам претходното возило, отварам тема за нешто што го возам минативе 3-4 дена, и се надевам ќе го возам барем неколку години.
Пред околу две години тргнав да си ја барам првата моја кола. Со релативно скромен буџет, она што ми се допаѓаше беа Kia ProCeed, Alfa Romeo MiTo, и Renault Megane Coupe, сите од 2009-2010 година. Бидејќи ми беше прва кола, не сакав да се заглавам со трошоци па зедов Kia како најпаметна солуција од она што се нудеше на пазаров во моментот. Реното го заборавив, ама Алфата цело време ми остана неостварена желба.
Пред десетина дена на оглас ми излезе Alfa Romeo Giulietta, 1.4 MultiAir мотор со 170 коњски сили, металик црвена боја и веројатно моите најомилени Alfa бандажи. Поголема од MiTo-то што го сакав претходно, ама па и сакав кола со четири врати овојпат.
Long story short, бев да ја видам, после 40тина минути возење и гледање, оставив капар, и по некој ден отидов до Куманово да си ја земам.
Знам дека е Alfa, знам каква репутација имаат, ама конкретниов примерок е купен во Скопје, има целосна сервисна историја во Аутомобиле СК, кај Илија и кај Велиновски, така да од тој аспект не се секирам. Вчера бев кај локален мајстор за подвозје, кажа дека апсолутно ништо не е сменето откако излегла од салон, и дека освен крстачи на полуосовините, нема ни потреба да се менува. Неделава планирам да ја однесам во Аутомобиле СК во Битола бидејќи ми се најблизок овластен сервис, да направам мал сервис и една комплетна дијагностика, па да видам што се ме чека.
Нивото на опрема е малку чудно, и е комбинација на Distinctive и QV-line нивоата колку што можев да приметам. Од работи кои фалат, нема темпомат, нема паркинг сензори, и нема електрика на задните прозори. Темпоматот е лесен (и релативно ефтин) retrofit, сензорите ќе ги решам со мултимедија систем и задна камера, а електриката не ми е и некој голем проблем. Од друга страна, има side skirts од Giulietta Quadrifoglio, има 18" бандажи, и ги има големите Brembo кочници со 330 милиметри дискови. Очекувано е покрута од Киата што ја возев претходно, ама далеку од неудобна, што ми се допадна многу.
Од работи што треба да се направат, имам мал сервис (планиран за неделава) и треба да се потсредат неколку ситници во ентериерот, како на пример прекинувачот за совозачкиот прозор, тапацирот на предните врати, и рачката за менувачот. Планирано е комплетно хемиско, чистење на моторен простор, полирање и керамика, а ако успеам и бандажите би ги потсредил малку, очигледно не сакаат тротоари. Гуми имам летни и зимски, што би требало да издржат до наредната година, па ќе земам нови. Исто така голема желба ми е да го сменам дифузерот назад и да ставам втор излез, ама едно по едно.
Деновиве многу ја возам, малку ја сликам, така да ќе сум скромен со фотографии, ама ќе ставам уште нешто кога ќе вреди
