Мал апдејт за сите работи кои се случија периодов.
Минатата недела бевме на прв редовен сервис кој вклучуваше уље (0W20), филтер за уље, филтер полен, работна рака и софтверски апдејт. Сервисот беше направен во Киа на 6466 км и задоволството кошташе 10052 денари.
Сега за сега без некои поголеми забелешки, возилото се користи скоро секој ден, градинка, низ град, отворено и слично. Годинава во неколку наврати се возеше надвор од МК на подолги релации и морам да признаам дека на отворен пат навистина се однесува како друго возило, воопшто не замара, удобно, мала потрошувачка од некои 5.5 л/100, доволно моќно за фамилијарно возило.
Дополнително, минатата недела беа заменети летните Michelin Primacy 4 гуми со зимските Continental WinterContact TS870. Со летните имав поминато 5046 км и морам да кажам дека како и за зимските сум презадоволен од тоа како се однесуваат на пат при разни услови, а и од тоа дека не се бучни. Промената е направена во Мотоцентар каде што и ги чувам гумите. Се на се, тоа задоволство ме чинеше 3200 денари, од кои 1800 за менување и балансирање на гумите, а 1400 за сезонско чување.
Last but not least, конечно после 8 месеци добив полициски записник за настанот кога во март ме удреа од позади додека чекав на семафор. Следно е да видам со осигурителна како да се обештети и санира штетата на задниот спојлер под браникот.
Нареден месец следува регистрација и каско и ќе видиме како ќе се одвиваат тие работи и колку ќе ме чини се.
