За љубителите на хјундаи, да го збогатам форумов со i10
Купено е без никакви предиспозиции кон одреден бренд. Се бараше количе од тој сегмент за сопругата, за низ град.
Фактори за одлука беа:
1.возачка позиција
2.клима
3,цена/возни својства
4.тест возење
Под точка 1 е неприкосновен, благодарение на повисоко поставеното седиште. Конкурент беше само Фиат Панда, но немаа тест возило.
Под точка 3 единствено Шевролет Спарк беше поевтин и со побогата опрема, но во возни својства беше слаб. Имено, Спарковиот 4цилиндри со вклучена клима беше доста тром, додека Сузуки Алтовиот 3цилиндри одлично се справуваше со задачите, но затоа беше поскап и понеудобен од аспект возачка позиција.
Резиме, i10kata беше најудобна, со доста простор на задни седишта, најголем гепек во класа, лесни команди (квачило, мењач, рачна, волан ) , најевтина, со послаба опрема (без музика и далечинско отклучување) и потрома во однос на Алтото. Така падна одлука за i10.
Ставено музиче и далечинско отклучување, купени зимски Ескимо.
Потрошувачка во град 7,5 до 8,5 при слични дестинации, во зависност од временски услови. Морам да напоменам дека малку дигаат просек 400 метри во 2-ра и 100 метри во 1-ва по угорници до дома, и работа во лер на 800 вртежи со вклучени светла. Без светла на 700, со клима 800rpm. Со светла и клима 800rpm.
Досега поминати 35.000
Сервиси само масло и филтри.
Филтерот за полен е пожелно да се смени пред летна сезона за убаво ладење( осетлива е климата на запрљан филтер) а наесен едно чистење со усисавач, да издржи до лето.
Е сега, на почеток имавме извесен проблем кој се манифестираше во различни облици, во размак од по повеќе месеци. Претежно со варирање лер гас, некогаш гушење, некогаш немирна работа, гасење итн Понекогаш беше регистрирана грешка, но претежно немаше. Да не тупам, по извесен број на изведени егзорцизми, пронајдено е каде роварел Гремлинот. Електрична инсталација од хардвер до TPS и други сензори.
Од Куќата добиена 10 годишна гаранција со бесплатни сервисни интервали, како обештетување за "претрпена душевна болка" и мое трпение.
Ден денес, благодарение на еластичниот мотор, и лесните команди, кога ќе ми падне во рака уживам во леснотијата на пробивањето низ градскиот метеж.
Еве и неколку слики, другите нешто не излегоа убаво.
