Некни дојде време и за голем сервис, по 5 години и 60.000км, па правев заради годините.
Се погоде и да бега антифриз преку годинава минимална работа, и на неколку месеци притурав по 200-300мл и испадна да течи од дихтунгот од водната пумпа.
Ме фате заедно со мал сервис 15 работни часа во 3 дена, леташе времето за ситници како да го отштрафам некој тешко достапен штраф, 1 час замина за откачување на стегата од цревото за антифриз, и купување на папагалка, и слично.
Прв чекор, после вадење на неколку пластики, 2 држачи на мотор и други попратни работи, се испуште антифризот.
Се спремив со упатства оригинал и видеа на јутуб претходно изгледани ама на крајот пак ја посрав работата.
Не одев точно по чекори за мојот мотор со запчаник на радилица без кајла(collet) и ко дојдов да го вртам моторот за да го заклучам на брегаста и радилица со алатите и доведам во позиција за менување на ребрастиот, го свртив моторот без да се заротира и каишот и оп... клиповите да маваат на вентили.
Го изместив тајмингот на вентилите со клиповите, а за да го заротирам моторот требаше да ја вратам ременицата од линискиот пошто таа го стега запчаникот и радилицата да се вртат истовремено со тој штрафот централен, а јутуб има видеа со ревизија на ова и кајла на радилица па немаа ваков проблем тие. Јас пропуст на овој детал направив од незнаење.
Пола час се думавме со стрико ми што направив не ми беше јасно, и тамам развив стратегија како да ги синхронизирам, на среќа ја вратив радилицата не знам ни јас како каде што требаше, и ко го заротирав моторот позицијата на алатите за радилица и брегаста легнаа совршено.
Стар каиш.
Ја сменав и водната пумпа, само се разочарав од дихтунгот, мизерија, затоа пуштале водните пумпи.
Друга работа при составување се назад беше стегање на штрафот на радилица на 60Нм + 110° +\- 10°.
Е 60 њутни го стегнав ама тие 110 степени реков од око ќе ги годам и не го маркирав штрафот, па кога го префатив со наставакот 2-3 пати, појма немам дали ги истерав степените, а не можев повеќе со зглобната рачка, не искористив плус цевка да го пристегнам, колку што можев со тоа што го имав, па сега ако лизни ременицата од олабавен штраф наскоро ќе има овде приказна за менување на вентили.
Го сменав и ролерот на линискиот и линискиот каиш.
За крај, ги одвртив вентилите за испуштање воздух, едно на црево од парното имаше и другиот на термостатот се додека не протечи антифриз, и потоа кога поработе колата го исфрле преостанатиот воздух и дотурив само 300-400мл.
Многу ми олесна се ко склопив и запале нормално, не се искрше внатре моторот, и после еве 100км се е во ред, имам и парно, и нивото на антифриз си стои, и засега не капи.
Дури бев тука му направив и мал сервис пошто му беше време и на тоа, а претходно го „средив“ конекторот на возачкиот аирбег со божур во боја да не се грешат жиците ако некогаш се вадат откачуваат.
Тотал:
-
Голем сервис(Аутодок) - 7125ден
... + 1000ка алатите за моторот од Солун
- Мал сервис (масло и филтер од АМГ) - 3500ден
>> 290.873km
Во 15 часа има уште многу работи шо не ги кажав ама да не го должам.
