Зимава и пролетвава ја поминав со непланиран трошок за замена на термостат и нов антифриз пошто стариот ојде јабана, и го направив совозачкиот прозорец кој при крајот наоѓаше на отпор и мораше понекогаш со сецкање да го затворам. После толку години ми текна да ги проверам гумиците и таа кај ретровизорот(сечен, лепен, монитан од некого) не беше убаво наместена, па ја напасирав на лежиште и сега џамот цакум пакум.
- 218,600км -
Патосници теписонски од Самад од подебелите - 1800ден
- 219,800км -
Toyo NanoEnergy 3 195/65-R15 - 5780ден
- Април 2018 - Bosch H230 заден бришач - 450ден
- 220,600км -
Термостат и антифриз Lescot органски „зелен“ - 5000ден
Моментално е на 223,500км или
4 години (50.000км)
Потрошувачка: сеуште под 5L/100km
А во меѓувреме деновиве додека беше времето за никаде, а тамам за работа, ги префарбав гумираните рачки,
пошто не беа пријатни за гледање, се лепеа, гнасни, никакви. Кој се возел во меган 2/3-ка знае за што се работи.
Голем дел од времето ми одзеде стружењето на гумата од пластиката, а се користеше скалпер ама обратната страна,
и 150-ка шмиргла која остави на места подлабоки бразди кои сеуште се познаваат после бојадисувањето, моја утка, па после 400 па 800 водена шмиргла.
3 раце прајмер, 3 раце боја таа џоа металик, две раце лак, по 10мин измеѓу нанесување, за предните рачки,
истото без лак на другиот дел, со мат гри. За жал не ја погодив гри нијансата на бојата, ама то е, барем поубо на око е сега.
Користено: лак сјаен 160ден, прајмер 240ден, и по избор на боја од палета направени спрејови кај Шехи, кај каргото Битола, Антрацит мат RAL7016, и некоја металик од волксваген LS7P, 400ден по спреј. Шварцо се занесува многу, 500ден бил спрејот, и не можел мат да направи. Добро фала.
Крајниот резултат е за втора лига, ама јаска задоволен.
*сликано со 3310.
Пред тоа, есента ќе заборавев, расклопена предната маска, и поминати рабовите со текстилна трака или како и да се вика, од Теса,
и места каде што имаше жици внатре ги намотав, и кабелот во левиот стуб кај шофершајбната и него го изолирав, а пролетвава ги подмачкав тие шарките каде што се заклучува вратата за шасијата. И крцкањето моментално е 0 на вратите, а на маската скоро на 0.
Немам многу слики ама можи да се види отприлика што се направи.
Наредно во план ми се челичните бандажи да ги истружам и исфарбам, и рачките надворешни во боја на каросеријата да ги стросам, па ќе видиме.
