Дојде денот да ги сменам дисковите земени уште од летото, па после читање на сервисното упатство и гледање на неколку видеа постапката одеше вака:
Вадење на тркалото, потоа штрафовите, 13-ки на „клештата“ и враќање на клипот со помош на штрафцигер додека се е сеуште на место, неочекувано лесно и без проблем со претходно одвртена капачка од резервоарчето за глицерин (а ова најповеќе коса ми креваше). Сега понатаму лесно е.
Вадење на 2-та штрафови 18-ки од адаптерот со помош на braker bar од 450мм, ако го немав ова, ташак вадење штрафовите залепени со црвен лепак.
И на крај останаа два торкс Т40ки и дискот е надвор, со помош на чекан од не знам колку кг, малиот од 200г не бркаше работа.
Чистење на главината со месингана четка а потоа и шмиргла, убо мазно да дојди, да нема груба рѓа,
и подмачкување на главината со бакарна паста, (слика немам). Монтирање на дискот и чистење со чистач за кочници.
Интересно во пакетот имаше само еден сет нови торкс штрафови, па морав по еден од страна да ставам.
Потоа следуваше подмачкување на пиновите со бакарната маст, поставување на лизгачите за плочките и враќање на адаптерот на главина/рукавец?
Не купив црвен перманентен лепак, пошто веќе синиов (медиум) ми беше скап, 6мл за 230ден од веро, па да давам 460ден за лепак според мене е лудост, 5 денари дали вреди хемијата внатре. Ќе мора да држи синиов пошто на друго место никаков немаше да ми стават.
За клештата и штрафовите за дискот синиот е тамам. Се стегна адаптерот колку што можев најповеќе.
Потоа се подмачка и со бакарна маст рабовите на плочките каде ќе лизгаат на ламаринчињата и ставив и на клипот и телото од кочницата каде ги допират плочките. Се стегнаа и последните два штрафови и се комплетира едната страна.
Дојде на ред и другата, каде очекувано мора да излези некој проблем. Едниот торкс прошлајфова. Ајде спреј еден од напред и од назад и малку чукање на самиот штраф да попушти. Потоа бургија 8-ка да ја скинам главата, ама ај си реков да пробам, со торкс Т45 на страна го заглавив и запнав и за нецели 5мин, штрафот беше надвор.
Едниот диск беше и рѓосан од едната страна па со 800-ка шмиргла го исчистив и за 3 часа завршив работа, каде на еден механичар немаше да му треба повеќе од 1 час. Извадив 20мм глицерин од резервоарот и изгубив 10мин плус да го извадам капакот од под мотор оти капачката ми падна на него.
Старите дискови, цвичеа и не се трошеа рамномерно:
Потребен алат:
