Ја пролистав темава, комплет. Маци, неколку совети од мене:
1. Прво - од сите ние што ти кажуваме што да правиш, извлечи некоја средина, и следи си сопствена интуиција, нормално.
2. По фотографиите, проблемот не е сериозен. Не му се секирај, не вреди.
3. Знам, ќе кажеш "нова ми е колата, гаранција има ова-она".. Те разбирам, и во потполност те поддржувам, но верувај - не вреди да се маткаш по сервисите и не дај боже по судови за оваа работа. Не и во Македонија, иако сум дипломиран правник и наскоро магистер по граѓанско право.
4. Немој ни под разно сам да пробуваш да ја вадиш шалт-таблата. Никако. 99.9 % ќе скршиш нешто (пластиче, осигурач). 100 % ќе ја разебеш, и ќе крцкаат деловите. Од искуство - ако само еден штраф извадиш од било што, нема шанса да го наместиш како било, иако на прв поглед изгледа едноставно. Советот од google е одличен - нема комплицирана шалт-табла, има нестручни лица кои пробуваат да ја извадат и наместат. Немој ни под разно да дозволиш во сервис да ја вадат, претпоставуваш зошто. Чисто онака, еден пример да ти дадам од мое искуство - една обична штопна на картер "стручњаците" од Олимпиа моторс три години по ред ја престегнувале, до степен што е разјадено лежиштето од картерот на мојата кола. Последниот "стручњак" беше 18-19 годишно детиште.
5. Исцрпи ги сите можни солуции кои не вклучуваат големи суми на пари (мислам на мејлови, писма, жалби, поплаки до вистинските места). Понатаму - остави се, не се замарај.
6. Она што го кажува Bugar дека издејствувал чуда од Тојота, ако е вистина - секоја чест. Мене, не ми се верува. Со сета должна почит, тоа е речиси невозможно во Македонија.
И баш, ако не ти е тешко, што и да преземеш по случајот, известувај не. Тука сум ако затреба било каква помош.
Поздрав!
