04.11.2017 година, 92.109 километри.
Заменета кожата на рачната - старата беше во очајна состојба. Се ронеше, и најблизок опис ми е картон помешан со стиропор. Круто у пм.
Нарачана од иБеј, 930 денари ме кошташе, некои JF Customs, со назнака genuine leather. Си викам - ај, јеби га и си платив.
Ја нарачав на 21.10.2017, стаса на 01.11.2017 година. Супер-брзо, се изненадив. Во поглед на квалитетот - исто се изненадив, со оглед на цената, КОЖА е и тоа многу фина, мека на допир.
Ја извадив старата со се обрач, и истата беше захефтана со хевталици кои не пробиваа од другата страна на пластиката, туку само површински.
Откако ја извадив, видов дека е искината.
Пошто немав таква хефталица, морав да импровизирам - издупчив мали дупчиња во рамката, за да собере пластични стегички, точно каде што лежеа хефталиците.
Ја оптегнав добро, направив дупчиња на кожата со дупчалка за каиши, и протнав пластични стегички, при што дојде совршено, подобро од фабричкото решение, а јас сум презадоволен.
Крајниот резултат ме запрепасти - колку ситна работа, а менува многу, многу. За повеќе од девет години секојдневно користење на колата, со зафатот на централната конзола, конечно можам да кажам дека нема траги на користење на возилото во внатрешноста. Се е "фабрика".
Исто сум изненаден од тоа што кожата на менувачот не покажува никакви знаци на замор, а оваа си еба мајката до таа мера.
За хигиената и сјајот на ентериерот се погрижи elbow grease, Mafra Pulimax и Mafra Diamant Plast.
Наредно - пазарив сет од четири зимски гуми, кои би требало да ги имам некаде следната недела, тамам на време. По тоа, следува нови навлаки за седиштата - по можност некоја сива нијанса, и нови патосници - постојните се речиси нови, ама сакам сиви со сив конец.
И то.
