Електрични автомобили и хибриди

[Bicikle]

Не за јачање, него да појдеш до охрид/дојран да речиме. И да се вратиш секако, притоа некаде да наполниш струја. Секако со фамилијата т.е. истите што ќе ги маосиш на школо/ работа... А за до продавница/пазар имаш точак за 300 еу

[MartinAlfista]

Во Америка, за каде колава е наменета, оваа големина на возило е исто што и „мало градско возило“ кај нас. Ова ретко ќе излезе на interstate, и единствено нешто налик автопат што ќе види се тие големите обиколници од едниот до другиот крај на големите градови како Њу Јорк, Филаделфија, Лос Анџелес, Сан Франциско и сличните на нив.

Соништата за до Охрид и до Дојран со електрично возило да си ги зачуваме за едно 15тина години од денес. И таа единствена Тесла што се вози во Скопје мислам дека не гледа многу патувања од типот на Бугарија, Србија и Грција.

Како и да е, очекував пониска баш „народска“ цена за колава, не 50 бона со мање-више средно ниво на опрема.

[Bicikle]

Епа тоа што е кај нас Одхрид дојран преспа, претпоставувам во поголемите држави е до на работа. А да дадеш 50к $ и да се зезаш со поначи, батерии вамо-тамо е многу.
Т.е. кога би имало инфраструктура за ваков тип на возила би било ок, али еве моментално сум на 6-ти спрат, и претпоставка имам тесла кола. Само замисли го кабелот до паркинг. Претпостави дека сите од зграда имаме тесли друга работа таа стуја ја плаќаш, а колекторите ( или панелите ) на покрив од кола не верувам дека преку еден сончев летен ден би овозможиле автономија повеќе од 10-15км.
Друга работа во догледно време ќе снема нафта, па ќе мора да се снаоѓаме....

[Simo - Carrier159]

Многу е битно да ја видиме цената на колава во Европа.
Минималистичкиот дизајн на инст. таблата ептен ми се допаѓа.

[MartinAlfista]

Не ти туриле пиштол на слепоочница да мора да купиш електрично возило. Постои слободен пазар и за твоите 50 илјади долари купуваш возило кое ќе одговара на твоите животни навики, можности, услови за експлоатација и слично.

Има луѓе особено во САД кои одлично менаџираат со електричната енергија во својот дом, и возењето на Тесла им доаѓа практично бесплатно. Вози 100 километри до работа, вози 100 од работа до дома. Доаѓа дома, ја уштекува Теслата на домашен утикач, до следното утро има 100% домет, и така. Бонус, уште не станат, додека ги сапуња јајцата пред да оди на работа, преку мобилната апликација мести температура на кабината во Теслата, и си го пушта омилениот црњачки рап да го чека кога ќе реши да трга за работа.

Си има бенефити Теслата за таргет групата која треба да ја купува. Тоа што за нас нема, не значи дека е бескорисно возило во целост.

[Skywalker]

Мислам дека прочитав негде дека луѓето обично даваат околу десет месечни плати за купување на кола. кај нас е тоа 4-5 илјади евра во Америка е 3-40 илјади долари. Ценава на колата е млаку погоре од тој просек.

[Bicikle]

Далеку од тоа дека не чини, или дека ја негирам технологијата, иаку сум малце скептик по природа кон се што е ново и не докажано, само кажав мој став околу тесла. Сепак тесла е "бебенце" во однос на остали возила, што значи сепак мора од некаде да се почне, а дали оди по вистинскиот пат, не би можел да кажам.
Патем, како тоа ќе ја наполни теслата од домашен штекер, а нема да плати струја?
Не знам како е по белиов свет али кај нас 1KW енергија добиен од штекер е поскап него да се добие од некој друг енергенс.

[zeroSignal]

Според US Energy Information Administration, над 60% од струјата во Америка се добива од гас/јаглен. Нешто под 20% од нуклеарни централи, и (импресивни) скоро 15% од обновливи извори.

Е сега.. Сме го правеле муабетов - сè додека електричната енергија доаѓа од „традиционални“ извори, тогаш не го намалуваме загадувањето, туку само го дислоцираме, а со полнење коли на струја на традиционална електрична мрежа само дополнително ја оптеретуваме мрежата.

Од друга страна - ако живееш во некоја америчка држава со многу сончеви денови (рецимо, Аризона, мислам дека имаат околу 300 сончеви денови годишно) и монтираш доволно соларни панели за да ја полниш колата сам, секој ден, then by all means - go for it.

Сега за сега, мене електричните возила (барем ваквите, амбициозните, кои имаат цел да заменат традиционално сенаменско возило) ми се само убав сон. Тесла ветува 500 км со Long Range верзијата. Реално, би очекувал околу 300-350 км - што не е лошо, by any measure. Ама сепак не е доволно. Не е доволно сè додека полнењето трае саат време, макар и на Supercharger.

Кај електричните возила остануваат двата фундаментални проблеми - автономија и брзина на полнење. За да бидат масовно прифатени, треба да се среди тоа. Па да се среди цената, па здравје, да се префрлиме сите на нив. Во меѓувреме, ќе останат само интересна играчка за тек-хедови, early adopters, позери и еко-менталисти во заблуда (во Америка во 2016 се продадени 17.5 милиони нови возила, а само 160.000 биле EV/PHEV).

Ние, останатите, ќе продолжиме да си возиме на рафиниран сок од диносауруси уште некое време.

[Bicikle]

Добро кажано.  Патем многу е по паметно гасот наменет за полнење на ел. авто да го ставиш во авто опремено со лпг систем. Тоа е така за сега- на така здравје

[Skywalker]

Точно дека само се преместува загадувањето од едо на друго место но ако сите возила преминат на електричен погон и ако фосилното гориво кое сме го трошеле со нив се користи за производство на електрична струја, на крајот ќе останиме со вишок гориво поради поголемата ефикаснот на термо електраните и големата ефикасност на електричните мотори.

Нормално подобро би било ако се поголем дел од производството го префрлиме на обновливи извори.

[Bicikle]

Малце е за во друга тема муабетов, али термоелектраните мислам дека имаат ефикасност од скромни 45%... нашиот систем за дистривуцоја пред 10-тина години имаше загуби од неверојатни 20%... Сега ваљда се намалени....

[Deni]

Дислоцирање на загадување е круцијално и лесно се гледа разликата меѓу Карпош и Лисиче зимно време.

Не дека тесла ќе реши, ама сепак е круцијална дислокација.

[Bicikle]

Па некого некаде треба да труеш.... што знам, не сум мн упатен во таа тематика, ама по мое видување па некого треба да труеш... Може сум грешка, како што спомнав слано стојам со екологија...

[zeroSignal]

Дислоцирање на загадување е круцијално и лесно се гледа разликата меѓу Карпош и Лисиче зимно време.

Не дека тесла ќе реши, ама сепак е круцијална дислокација.

Дислоцирање е привремено, или ако сакаш, лажно решение. Не дека не загадуваме, само не загадуваме во директно-блиска околина. Ама планетата сепак страда.

Нејсе, се согласувам дека е круцијално, барем во некои краткорочни рамки. Ако ништо друго - да се зачистат градовите и полесно да се дише.

[Simo - Carrier159]

Според US Energy Information Administration, над 60% од струјата во Америка се добива од гас/јаглен. Нешто под 20% од нуклеарни централи, и (импресивни) скоро 15% од обновливи извори.

Е сега.. Сме го правеле муабетов - сè додека електричната енергија доаѓа од „традиционални“ извори, тогаш не го намалуваме загадувањето, туку само го дислоцираме, а со полнење коли на струја на традиционална електрична мрежа само дополнително ја оптеретуваме мрежата.

Од друга страна - ако живееш во некоја америчка држава со многу сончеви денови (рецимо, Аризона, мислам дека имаат околу 300 сончеви денови годишно) и монтираш доволно соларни панели за да ја полниш колата сам, секој ден, then by all means - go for it.

Прво, мислам дека нема врска од кај се добива ел. енергија, импактот со користење на електрично возило е помал по околината, затоа што електриката и да се произведе и донесе и стави во кола, и потоа да се потроши, помалку импакт има на околината од копањето нафта, дестилација, транспортирање и претварање во механичка енергија. Тука електрика wins by a mile.
Електричниве мислам дека повеќе импакт на околината имаат со батериите и нивното производство, кое е приличен предизвик за околината.

Второ, мислам дека и да е исто CO2, а не е, јас би возел електрика затоа што (сеуште) не е оптеретена со 80% глупи давачки како бензинот и нафтата, па мене лично возењето струја ќе ми биде поарно од возење бензин или нафта.

Сега за сега, мене електричните возила (барем ваквите, амбициозните, кои имаат цел да заменат традиционално сенаменско возило) ми се само убав сон. Тесла ветува 500 км со Long Range верзијата. Реално, би очекувал околу 300-350 км - што не е лошо, by any measure. Ама сепак не е доволно. Не е доволно сè додека полнењето трае саат време, макар и на Supercharger.

Доволно е... 300км се 4-5 дена до работа и назад и низ град за нормално користење. у тие 4-5-6 дена, ќе најдам 2-3 саати кога колата ми е пред/во гаража и ќе има доволно време да се наполни.

Кај електричните возила остануваат двата фундаментални проблеми - автономија и брзина на полнење. За да бидат масовно прифатени, треба да се среди тоа. Па да се среди цената, па здравје, да се префрлиме сите на нив. Во меѓувреме, ќе останат само интересна играчка за тек-хедови, early adopters, позери и еко-менталисти во заблуда (во Америка во 2016 се продадени 17.5 милиони нови возила, а само 160.000 биле EV/PHEV).

Се согласувам дека се тие основните проблеми.

Ние, останатите, ќе продолжиме да си возиме на рафиниран сок од диносауруси уште некое време.

Да видиме прво цените на старо после 3-4 години како ќе биде на тесла тројчево..Може ќе паднат убаво, па ќе се тркала низ скопје по некоја увезенка Ја би земал, на старо.. За решавање на мојот најголем арч во имањето кола, а тоа се парите за гориво, кои годишно може да стигнат и 2000-2500е.