Соларен систем и мене ме интересира, ама не можам да се одлучам за бренд, за концепт, и за продавач/изведувач.
За жал така е. Погледни ја понудата на Камел Солар.
http://www.camel-solar.com/cs/Малку се поскапи од вообичаено (прилепчани, кумановци, штипјани), барем мене така ми изгледаше кога барав изведувачи. На крај се сам наместив и проработив. Се помачив ама завршив работа баш јас како што сакав. Камел Солар се и сертифицирани, како и нивните панели. И панелите на Зрак Прилеп за кој што се одлучив јас. Јас ставив панел на Зрак Прилеп. Некаде низ темава ги има и линковите за параметрите и ТУВ сертификатите за истите.
Не планирав да ставам кинезарија која нема ТУВ и не е тестирана. Многу ми е небезбедно сето тоа.
(Зборувам за панели)
Некако бледо ми изгледаа понудите на саем. Најмногу ме погоди што никој не понуди систем што на цел еден сончев ден без струја, ќе остане безбеден (ако не и функционален) без моја интервенција (покривање на панелот со ќебе/шаторско крило, и такви слични вратоломни егзибиции на кров). Сите ме убедуваат да не се секирам, дека не е ништо страшно и ако снема струја. Доволо било само да се покриел панелот со нешто. Во најлош случај ќе истечел флуидот низ сигурносен вентил. Итн, итн.
Но не е така едноставно, прво што правиме ако не сум дома тој ден... Комшии ќе барам да ми се пентарат по кров за да го покриваат панелот? Па нема ни да знам дека снемало струја ако не сум дома... Ма всушност не ни сакам ни јас да морам да се пентарам на кров. Зошто има културни решенија - фотоволтаик панели и пумпи напојувани директно на 12V DC. Ебаго ако има сонце и можност за прегревање на флуидот, па ќе има и сонце за фотоволтаик панелот да произведува струја за пумпата.
И тука си максимално во право. Мора да постои безбедносен систем. Еден од нив во мојот случај е сигурносниот вентил кој реагира на притисок од 6 бари, а до 6 бари е експанзиониот сад. Вториот го заобиколив намерно заради Х причини кои не би ги разглабал во моментот.
Третиот не ми е поставен, односно се работи за УПС кој во случај на снемување на струја ке има можност од минимум два до три часа да ја врти водата и да не дојде до прегревање.
Четврта варијанта е монтирање на ролетна, автоматска, која доколку дојде до снемување на струја, ке се покрене преку УПС кој ке има задаца да ја спушти односно да го покрие панелот. Ова е одлична работа, но треба да се направи. Односно некој да го изведе. Немам толку време да се посветам на тоа.
Обично кога не сум дома, го ставам диференцијалниот термостат во мод холидеј, така да загреаната вода во ноќен режим ја качува во панелот, ја лади и ја враќа во бојлерот. Колку толку температурата во бојлерот се намалува, за следниот ден да не дојде до прегревање. Ова ми е веќе проверена работа и функционира добро.
За секој случај оставам и клуч на некој од фамилија, нормално за не дај боже. Ако треба и вода од бојлер да испушти едно 15 минути.
Како заштита под број 5 може да се наведе и тоа. Против прегревање, а не против однемување на струја. Вентил кој кога температурата ке дојде до критично ниво, автоматски да ја испушти топлата вода во канализација, одвод.
Неколку моменти за размислување:
- Не ми е јасно зошто никој не нуди соларни системи со пумпи напојувани директно на 12V DC од помали фотоволтаик панели.
Има милион причини, а една од нив е и потрошувачката и принципот на работа.
Мада и тоа може да се реши, ама немам појма.
- Цевастите панели (со heatpipe технологија) се поефикасни од плочастите панели, ама не знам дали потрајни (практично искуство: на колега му се расипаа две од 8те цевки на неговиот панел, кога остана без струја на сончев ден).
Можеби се поефикасни но се многу многу понетрајни. Реалниот рок на трајност на цевка е од 3 до 5 години (може и да тераат повеќе), по кажување на луѓе кои го работат истото. На обичен панел добиваш од производителот рок на траење и гаранција од 20 години. Колку добиваш на цевка гаранција???
- Дали е можно правилно да се издизајнира систем без пумпа, со пасивно термодинамичко движење на разменувачкиот флуид (панелот нормално, тогаш мора да наместен пониско од бојлерот).
Можно е но во отворен систем. Во тој случај ке имаш бојлер горе кој нема да е под притисок.
Овие со цевки се такви.
Јас искрено размислував многу на оваа тема пред да го изработам мојот систем. Се одлучив за него заради повеќе причини, а една од тие е животниот век и употребените материјали. Можеби имам помала ефикасност од тие со цевка, но немам други никакви проблеми...И да, цената е тројно повисока. Систем со кинезарија е околу 400 до 500 евра, а оваков како мојот е од 1000 до 1200 евра.
сале,онак не ги работи овие системи(му пишав,ми пиша).така да потрагата продолжува за монтажер на системот.
Да да, не ми текна дека сакаш од овие системи.
Инаку дискутирано е со @onak во врска и со овие системи. Човекот едноставно не сака да си стави здрава нога у трн. Ајде инсталација, ама после некое време сервис и одржување?
Овака инсталира проверен систем, проверени материјали, овците на број и волкот сит, добиваш гаранција и сервис и си свиркаш.
Едноставен систем, проверен систем, сигурен систем.
