ЕКО куќи

[Skywalker]

Kaј мене зградата имаше рамен под и после години и неколку неуспешни обиди за изолирање (секоја пролет ќошовите беа пожолтени од вода) си направивме поткровје и од тогаш тој проблем заврши. Јас поради ова рамен под би направил едино ако живеам во атакама кај шо нема заврнато 50 години.

[SaleSk]

Сале градат луѓе базени на кровови Али не верувам дека е едноставно и ефтино решение.

Знам дека градат, ене ти пример хотел Арка...не беше тоа моментот...Моментот е како што реков ако сум мулти милијардер и кола на дрво што се качува ке ми направат а не базен на кров

[gOJDO]

Нормална висина на спрат од под до плафон треба да е од 270-290см. Се под тоа е визба, се над тоа е како шо викаш луксуз.

Абе ајде...

Минималната светла висина на просториите за живеење е 2,50 метри, а за други простории е 2,30 метри.

Закон за градење, член 15 - Правилник за стандарди и нормативи за проектирање на објекти, Член 3

Јас сакам да имам куќа/стан со плафон 3.6м.

И јас сакам, ама нели не е нормално?

Малтер на средина во ѕид сендвич, е тотално безмислен. Нема никакви својства, освен што го задебелува ѕидот за 3-5см. И за мене е тотално безмислено зошто тој се наоѓа таму.

И лајна се безсмислени, ама кога веќе таму се наоѓа малтерот ако го извадиш нема ништо да добиеш, а ќе изгубиш на изолација, каква-таква.

Рамен кров е најдоброто нешто што е измислено во прошлиот век, од страна на архитектура.

Сериозно? И зошто по планинте нема рамни корвови? Сеуште не разбрале за најдоброто нешто измислено во минатиот век од страна на архитектурата? Или ако во некоја планина има рамен кров, ќе те замолам приложи слика/доказ, па да не побиеш овде сите нас што збориме глупости за кровови.

Зошто водата да прелива по фасада?

Затоа што сливникот ќе ти се заледи, и кога ќе наврне премногу снег и ќе почне да се топи, водата нема да има каде да се слива па ќе се прелива. Многу едноставно, ако сакаш да те однесам да видиш како изгледа таква фасада?

И од кога на фасадата му штети вода? Зарем кога врни дожд, таа е сува?

Едно е да врне дожд, а друго е да тече вода, константно. Ако сакаш, како што реков, ќе одиме да видиме згради со рамни кровови па да видиш дека бојата на фасадата не иста на секаде, т.е. е обледена онаму каде прелевала вода.
До некаде

Градбите се одамна и се градени со засатрена технологија и нормално уштедени материјали.

На згради градени во СФРЈ, не би рекол дека се штедело на материјали.

Ако викаш дека од раменк кров, течи вода, зошто тогаш луѓето градат базени? Зошто водата не им бега од базените? Зошто водата од бањата не оди кај комшиите?

Дали имаш поима колку чини да направиш базен со димензии на кровна констркуција? Дали знаеш како би влијаеле 4-те годишни времиња на базен оставен на отворено и кој секоја втора или трета година не се репарира?

Планинските куќи најчесто се со толку стрмен кров заради декорација. Нема потреба од толку стрмен да биди.

Помочај и се на дипломата, комотно.

Верувај дека е поевтино да се направи рамен кров, него класичен.

Бетонска плоча поефтина од дрвена конструкција со керамиди. Хахахахаха...Добар виц...добар....
1) на 100 квадрати површина имаш 25 кубика бетон и 2.5 тони железо, а тоа се 1500 евра + 1250 евра + 1000 евра работна рака = 3750 евра само за плочата без кошулица со изолација.
2) треба да направиш опшивка со дебелина од 15cm и висина од пола метар, која ќе те чини уште неколку стотини евра
3) трајна хидро-изолација, нека каже некој колку чини за 130 квадрати површина
4) комуналии за последниот кат се 100% наместо 10%. Во општина Карпош се 100 евра по квадрат, во Центар се 100 или 150, во Ѓорче се 50. Значи наместо 1000 евра комуналии ќе платиш 10000 евра или 9000 евра повеќе.

Се на се, рамен кров за куќа со основа 100 квадрати бруто е од 9500 до 19500 евра.

Класичен кров со дрвена конструкција и керамиди за 100 квадрати површина не е повеќе од 3500 евра.

[Deni]

^^ I share your opinion.

[osmica8]

@ Сале

1. Примерот за малтер беше баш таков. Некој имал малтер, па си ставил изолација над него, па највероватно пак малтерисал.
2. Супер што си добро образован и знаеш физика и математика, меѓутоа не знаеш архитектонска физика. Ова што го зборуваш за силите е тотално не точно.
    Како првен кровот освен што има статичен товар, тој има динамичен. Тоа се ветрови, кои имаат многу поголема сила од колку снег и дожд. Е сега ти знаеш дали е подобро да имаш кров или да го немаш на ветар. Силите што делуваат при кров од 45 степени и рамен кров се исти. Тие сили се спроведуваат до носивите елементи на објектот и тој ги носи во темелите (во земја). Така да тежина на кровот и неговата коплеска конструкција само ги отежнува работите. Допонителна конструкција за рамен кров НЕ треба, треба само добра изолација и дренажа. Дренажата исто можи некој да ти ја заеби и на класичен кров, не мора да биди рамен.

@ Gojdo

1. Да! Според правила и прописи Бр.1 во архитектура и градежништво : Димензија на станбена зграда од плоча до плоча, конструктивна мерка, е 306см. Одземи на тоа дебели на плоча добиваш плафон.
2.   Дали знаеш што е светла мерка? Првен научи тоа, па после пишувај димензии.
3. Оти не е нормално? Нормално е ако имаш пари.
4. Ќе добиеш очистена конструкција, послаб ѕид.
5. Не зборуваме за планини. Се подразбира на планини што се прави.
6. Мојата и твојата слика за рамен кров се тотално различни. Дојди кај мене, ќе те качам на кров и да видиш како истекува водата и да видиш дека не линее по фасада.
7. Бујрум, кога си слободен дојди. Ќе те прошетам на кров, интерсно е доста, јас си го обожавам кровот.
8. Градени се во СФРЈ ама тогаш немало модерни материајли. Тули и еден вид на плочка. Толку.
9. Знам.... Што има врска базен на кров?
10. Не мора да е стрмен со 80 проценти агол. Доволно е и 45. Само тој дизајн го земаат, за да не паѓа снегот над некого и за побрзо да паѓа.
11. Зошто ми ја рачунаш плочата што ќе ја турам на терасата? Таа е истата плоча која се наоѓа и кај сите згради. т.е. плафонот на послениот кат. А таа не се доплаѓа кога градиш, таа е во цената. Исто така и таа опшивката што ја спомнуваш. Единствено се доплаѓа за изолацијата и дренажата. Која не со цена на еден класичен кров.
Комунали за кров?? Ууууу ова уште не сум го чул. Какви комунали бее Што зборуваш?
Значи рамен кров е мнооооогу поевтин од класичен кров.


Сале, Гојдо, Дени.... супер што сте добро образовани и имате познавања од повеќе области, ама не се правете дека сте најдобри за секаде. Посебно за оваа тема. Јас од ова живеам, мојата фамија од ова живее, не пишувајте безмислени работи.
Се надевам во иднина повеќе почит ќе имате према мене, како што имам јас за вас.
Поздрав.

[SaleSk]

8-ца.
Прво за почитта. Никој лично тебе не те омаловажува или било што, напротив...
Интересно е да се дискутира и да се разменуваат различни ставови и мислења. Затоа и се разви дискусија на оваа тема, но со спротивни ставови, и тоа нормално доведува до бранење тезите, секој својата. И што е позитивно од се ова, сите може да научиме по нешто..

Е сега околу физиката...Физика е физика, и истата важи на секој дел од земјината топка, со мали одстапувања заради g односно земјиното забрзување кое е различно на арктик, и на екватор, но научнициве мислеле дека тоа е сосема мало и дека е занемарливо....Исто така и тежината на телата е различна, но заради претходниот факт повторно се зема тоа да биде иста вредност...

И на кратко околку косиот и рамниот кров...
Ако мислиш дека зборувам за кров кој е под агол од 45 или 60  па и повече степени, освен за за планински услови , ондак си се збунил. Кај нас, батем за ова наше поднебје косината на крововите во нормални услови и проектирани од образувани архитекти не надминува повеќе од 20 степени...Кај мене се работи за поткровје, па косината на кровот е 17 или максимално 18 степени...За каков отпор на ветер зборуваш? Кај нас не се сеќавам по пишувања и статистики дека дувал ветер со брзина поголема од 120 км/ч.

И рече за рамниот кров не треба ништо специфично за засилување на конструкцијата?

Физика...Да...Рече да не се мешам во архитектонска физика или како и да ја нарече...
Направи ми рамен кров од 100 квадрати, и кос кров со кој ке покриеш 100 квадрати, и направи пресметки за статика и цена на чинење...
Еве пошто си професионалец, свака част, бујрум, разубеди ме во моето погрешно размислување...

Баш ке ми биде драго да чујам, и нормално да научам нешто.
Бидејќи немам време, подоцна ке се потрудам да напишам нешто и за аеродинамиката на коцката, правоаголникот (како твои модели), и еве нека биде триаголникот (како мој модел за кров) како фигури во врска со ветровите и снеговите кои беа спомнати....Или можеби некој ке ме претрка во тоа...

[osmica8]

Сале.

Физика е физика. Ама за конкретниот случај тоа што го напиша ти за силите, не е така. Поинаку одат силите на објекти.

Косиот кров се проектира со агол од 45 степени. Овај е класика кров што треба да го има некоја зграда/куќа. Сите различни варијации се заради некои услови. Дали било финансии, место положба, комшии, регулативи итн итн....

За рамен кров, НЕ треба никакна конструкција. Плочата последна (таван) е носивиот елемент.

Еве еден цртеж од мене, за да објаснам за што зборувам.

Лево е рамен кров, па 45 кров и на крај 20 кров.

Гледаш со плаво кај крововите која конструкција е носива што треба да ја има еден кров. Тука не ги имам исцртано и уште сите косници, рогови слемиња, детали итн....

Додека кај рамниот кров, нема ништо од тоа.

Е сега за силите. Кога се прави статичка пресметка за плоча се зема да таа 100кг/м2 . За последна плоча (плафон) се зема нешто повеќе 120 кг/м2. Снегот во Бт, се зема со тежина од 100кг/м2. Ветар е 28 кг/м2. Нормално кај рамен кров немаш ветар. Значи си ослободен од такви тежини.



Е сега пресметка. 100м2 кров рамен. Плочата веќе ја имаш со самото градење. Дали ќе имаш кров под агол или не, плоча секако ставаш. Освен некој ако не става плоча горе, па да има делумно затворен кров и да биди весело на зима и уште повесело на лето.
Значи до сега 0 ден. На оваа сум се додава хидро изолација и завршна обработка. Сакаш плочки, сакаш бетон. и се добива некој си 100 - 500 € макс.

Е сега за кров класичен. Имаш конструкција дрвена/челична. После тоа имаш пак изолација и покривачки елементи керамиди/лим. И сето ова ќе кошта 3-4 000 €.

Не мора да пишуваш ништо за аеродинамика, тука не ни е потребна.

[Deni]

Никој не зборува ако ја имаш плочата веќе. Тоа ти е утката.

[osmica8]

Мене не ми е утка тоа. Тоа е ваша утка. Секој нормален објект има плоча горе. Сите згради кои беа спомнати дека прокиснаа, имаат плоча.

[Deni]

и така натака...

[Tischläufer]

и истата важи на секој дел од земјината топка, со мали одстапувања заради g односно земјиното забрзување кое е различно на арктик, и на екватор, но научнициве мислеле дека тоа е сосема мало и дека е занемарливо....

G  е секаде исто без разлика дали е на екватор или пол. Разликата е во тоа што на екваторот контра од G делува сила на центрифуга и затоа е нешто помало а се нарекува Gn (standard G или surface G). И тоа како не е занемарливо


BTW: „Не разбирам ја што зборите али сметам дека Осмица е во право“

@ Osmica: друже на цртежот од погоре дали е предвидено дека тежиштето на зградата е поместено кон нагоре во случајот со кос кров?

[osmica8]

Тежиштето нормално дека оди нагоре. Геометриско тело.

[Deni]

Никон не примети дека со додавањето на кровот се доби, уште еден цел спрат?

[Z128]

Приметив, и не ми беше јасно како вие меѓу себе не се контате...
Инаку јас од искуство можам да кажам дека кога се градеше викендица во планина, сакав да има рамен кров, за да може да се искористи и термиката на снегот како изолатор, но есапот за статика испадна многу голем, и поради тоа се направи кос кров. Инаку, на кос (планински) кров снегот не се трупа, т.е. лизга/паѓа, поради што и статиката е помала во однос на рамен кров. Има разлика и во статика за кров во Скопје и на планина...

[Banzai]

Тоа е поентата, што за во Скопје, Маврово, Мајами, Токио и Београд различни се условите и различно кошта да се направи нешто како треба.