Да го предствам новиот семеен љубимец, Пежо 308 караван, 1.6 хди, 92кс, 2014г. Поминати 192.000км, колку е точно никој не знае.
Се се случи така брзо, положи лепша половина, требаше нешто да може да го вози, а и мене ми требаше нешто поекономично, поминуваме километри во последно време и низ град, и надвор.
Разгледувајќи, елиминирајќи коли до 105кс, во потесен избор останаа Форд Фокус, Шкода Фабиа и Пежо 308 каравани. Ако не е караван, не ми е комплетна колата
Колава е од плац, 2018г увезена од Франција, поради купена нова 308ка, го оставаат ова за продажба. Сооственикот летово бил на одмор со колата и поминал 1500км, рече се е ок. Прифатена ми е Либрата во замена за солидна сума. Ниту тој ниту јас не ги проверивме колите доволно, туку онака површински. Кој на кого му го начука, ќе видиме допрва.
Пакет на опрема е STYLE.
Тоа што можам да забележам од оорема:
- ЕСП.
- Климатроник.
- Централка со далечинско.
- Автоматски светла.
- Сензори за дожд, најважните за мене.
- Лед дневни светла.
- Магленки.
- Паркинг сензори.
- Стаклен кров.
- Темпомат.
- Child lock.
- Електрични ретровизори.
- Склопливи ретровизори.
- Тонирани задни стакла.
- Некои ролетни на задни стакла.
- 12в приклучок.
- Усб има некое ама само за полнење е изгледа. Нека ми каже некој ако е за нешто друго.
Друго не знам што спаѓа во опрема, не знам дали има есп, аср.
Аудио системот е тиња. Ќе се интервенира тука сигурно, после Босето во Либрата, не можам да поднесам ваков пад.
Големо освежување е колава за мене, едноставно доста работи беа нефункционални кај Либрата, тука се си функционира и ми дава чувство на лагодност и задоволство.
Силата на моторот секако е неспоредлива со Либрата, но си има моторов сила, и свој начин на исфрлање на таа сила. Задоволително е, прави колку толку мерак, допрва треба Фтора да му ја закачам на Плетвар па да се види
Нормално како понова кола, си има подобра изолација покрај која сепак моророт е бучен. Ја крие добро брзината, доста мирно на 150 км/х, како 100 да возиш.
Некако фино возилцево, цакано, да не речам нежно.
Потрошња не сум мерел. Ќе ја танкирам фул неделава па ќе видиме.
Од сервис нема ништо направено, така да веќе побарав понуда за голем и мал сервис. Како што ми се гледа, со следното менување плочки ќе се менуваат и дискови.
Толку засега, не знам што пропуштив.
Повеќе слики дополнително.
