Од дамна немам пишано, а за БМВ има доста да се пишува...
Ај со ред да почнам:
На 22.12.22 се репарираа дизните, причината за овој проблем не ја открив, поради системот во државата...
-Јас сум убеден дека е од лошо гориво, бидејќи проблемот се јави на не полни 2 километри од точење гориво, колата почна да дими, да смрди на нафта од издув и да трокира.
Ја однесов на сервис, сите дизни катастрофа. Се репарираа, се испушти нафтата од резервоар, се промени нов филтер за нафта и колата си проработи како предходно. Земав примерок од нафтата, требаше да ја носам на испитување, ама поради периодот со нова година и празници, некако ја забаталив работата и не ја истерв до крај.
Не знам дали е фер да се каже за која пумпна станица станува збор, бидејќи како што реков, немам црно на бело доказ.
Имав пишано дека почна да јавува вибрации при кочење од поголеми брзини, испадна дека дисковите предни биле криви, ја оставив кај Мирко во Ѓорче да ја претресат.
Така да, дисковите беа рамнети бидејќи имале "месо" иако им оставив друг пар дискови кои ги имав купено, се променија плочки напред и назад, имав исто земено и гуртни за рачната, ама не беа заменети, бидејќи тие на кола биле добри, само сакале добро штелување. Течноста за кочници беше проверена исто, ми рекоа дека е во ред и дека нема потреба сега да се менува. После зафатот, кочењето е одлично, нема тресење, нема цивкање, рачната функционална.
Една од полошите случки, ми пукна усисната грана. Се случи во втора брзина на полна гас, турбото како да подзаспа малку при стискањето на папучата на гас, па начука буст и кога пукна, пукна мушки, во прилог слика
Бидејќи вечерно време се случи, утредента купена друга грана, па ја чистев бидејќи беше целата со масло и гареж, исчистен сензорот на грана и монтирана, колата се препороди. На пукнатата грана имаше уште една пукнатина од горна страна како жилет, мислам дека од таму бегало воздух и колата не ја имаше силата што ја има. Битно ја средив во гаража и супер си беше.
Од толку дефекти, се скина сајлата за хауба, нарачав нова која е составена од три сајли, многу глупава изведба направиле, ама океј, што се мора-не е тешко, променета и пола ден во штелување.
Дојде време за сервис, ова е најголемиот секс до сега што сум го изел 😅
Купено 7л LM TopTec 4200 5w30, шајбна за штопна, филтер за масло, филтер за аспираторот т.е за маслените пари, филтер за воздух и вентилација сето ова Hengst.
Што се случи:
Испуштив маслото, сменив филтрите и почнав да полнам масло, од вкупно 6.5л, некаде на 6л ставени во мотор, да проверам ниво на жицата, како потегнав искочи со се шипката од картер, кога рече тече масло под мотор тука ми се споија плус и минус. Пробав да ја вратам шипката на место, па се оштети о-рингот...па фрлај легени под кола, ама џабе, 3л отидоа за душа.
Ајде испуштај пак масло за да го премерам, па отидов да купам 3л пошто толку требаше, а за о-рингот добра релација извртев по продавнициве за автоделови, пазари, железарии никаде немаше освен во МегаАутоПартс ама ќе требаше да чекам 2 недели. Викам не бива вака, па жената од таму ме препрати во БМВ продавницата во Лептокарија, за среќа таму најдов и земав.
Наместен о-рингот, прецедено маслото и ставено во мотор овој пат успешно.
Пластиките под мотор ги извадив бидејќи беа поплавени од масло, истите испрани и монтирани назад.
Бандажите сеуште не ми се средени ама им се гледа крајот, само уште сум во мисла што со нив, дали да ги шиткам па да земам нешто што повеќе ќе ме радува, ќе оставам на времето.
Ете така си го поминав летниот распуст, полн предизвици 😂 Поздрав до следниот распуст.
