Малку подолг пост, а и ќе се надоврзам зошто барав центрирање (од нешто фрка, дури и заборавив дека и самите ми посочија дека центрираат во Момин Поток, ама немав време да одам).
Имено, денес бев до Мотоцентар - Ист Гејт за исправање на бандажите и балансирање на гумите.
Имав закажано во 13:00 часот. Отидов малку порано, укажав што сакам да се направи, го оставив клучот и фатив нагоре да акам по дуќаните.
Да напоменам дека дечкото од Мотоцентар (Ѓуриша) ми звонеше 3-4 пати за да бидам во тек, прво откако ги проверија гумите, па потоа дека сите 4 бандажи се криви, дека не бива дијагностичко балансирање, туку ќе прават обично (ласерско). Многу профи однос.
- Ќе почнам за бандажите. Кога одев кон Скопје (а со денови наназад), се осеќаше таа неправилна вибрација над 120km/h, вибрираше од гумите, се осеќаше и на волан и кај одмарачот за ногата. Баш онака како да се врти неправилен круг.
Во Мотоцентар, очекувано излезе дека сите 4 се криви. Чинеше за моите бандажи (17") 700 денари од бандаж и платив вкупно 2800 по таа ставка.
На враќање кон Штип, колата СПИЕ. Не можев да ја препознаам буквално, 150-160km/h, абе кај одморачот за ногата нема ништо, нормални вибрации од тркалање. Дури и во кабината беше многу потивко.
Не знам што правеле и како пустеле во Мотоцентар со тоа новата машина за исправање бандажи, ама од мене имаат секаква препорака.
- Делот за балансирање и наводно неправилното абење гуми.Кога ги извадиле гумите (пред да ги исправаат бандажите) ми посочија дека имале ептен мала шара стриктно на надворешниот дел од гумите. Затоа не можело да се направи дијагностичко балансирање (онаа машината со контра - ваљакот), па ќе правеле обично (ласерско).
Со гумите имам поминато 15.000km за нецели две години. Секогаш гледам да го држам притисокот пропишан на капачката за гориво (2.4 напред, 2.2 назад). Стварно не знам од што би биле повеќе „изедени“ на надворешниот дел, освен некој механички проблем на предницата што го немам забележано. Додуша, никогаш ја немам носено колата на центрирање откако е во мене, ама ќе ја носам деновиве или во БоМи или во Момин Поток или во Штип. Некако испаничено ми изреагираа од Мотоцентар, демек ептен се тенки, дека треба што поскоро да ги менувам и бев целиот прашалници сам во себе. И сега не знам што да правам. Ај да ја носам на центрирање, ама ќе треба ли и нови гуми у пм...
Ги сликав сите 4 гуми од надворешната страна откако се вратив во Штип, па посочете со постручно око:
Предна десна:
Задна десна:
Задна лева:
Предна лева:
Предна лева (2):
Севкупно, во Мотоцентар ме чинеше 3800 денари.
_______________________________________________________________________________________________________________________________________________________
Mалку естетска промена на подобро.
Пред да заглавам во Ист Гејт, поминав до АутоКинг да си купам украсни педали. Цена - 1200 денари.
Пред:
Потоа:
Утепав 2 часа да ги наместам трите, најмногу време изгубив за footrest-от. Требаше да се извади рачката за хаубата, двете пластики, да се направат дупки во теписонот. Малку пипава работа бидејќи нема баш простор за маневрација, ама мислам дека излезе одлично и покри се што требаше да покрие.
Ја е*ав работата со педалата за кумплунг. Има две гумени пипци кои се задебелени, па тенки на крајот (како печурка за да држи) и влегуваат во дупката на самата метална педала.
Не знам што ми требаше да пробам да ги извадам новиве за да ги поднаместам, се скинаа овие и сега не држи баш најдобро, ама не ни паѓа. Јас како што сум цепидлака, ќе ги средам или со секундарен лепак (гел) или ќе гледам да најдам само иста педала.
Педалата за кочница си легна како шамар на будала.
Педалата за гас не ни пробав да ја наместам затоа што знам дека ќе се измачам, сите се проблематични кинескиве од овој модел. Планирам кај мајстор да ја извадиме целата педалата (не се вади тешко) и така извадена да ја монтирам по пропис.
