Требаше овој Декември да идеме комплет сите на Тајланд, на пробни 2-3 месеци, нажалост, други приватни причини ни ги сменија плановите. 0% данок на приход, интернационални школи, ефтина храна, ефтини дадилки, ефтини вили/апартмани за на подолг рок. Секој викенд на различна плажа/остров, феноменално време.
мене ова ме заинтересира 
јас комплетно ремоте работам 10 години и не сум врзан со канцеларија или физички простор, кажи проста математика колку би ми требало за 2-3 месеци да се опуштам таму ? 2 возрасни и 1 дете од 3 години, нема потреба од градинка чуда. Јас ја меркав Валенсија за неколку месечен престој, мислам дека со 4000 еур месечно се тера тип топ со вклучено сместување и превоз.
Зависи каде точно сакаш да идеш во Тајланд. 2017-та бев во Ченг Маи, планинско местенце внатре во Тајланд. Таму ептен ефтино може да поминеш, градот во тоа време беше центарот за светот за дигитални номади, и за тоа место, 4000 евра се скоро па дупло од што ти е потребно на месечно ниво, зашто таму скоро сите живеат на одреден буџет. Нема расфрлање, ниту пак има кај да потрошиш поголема сума на пари.
Наредна година бев низ местата што се покрај вода, тука веќе е поскапо се. Ko Самуи, Краби, Пукет особено дека е најпосетуван се поскапи, но пак ке ти влезат во тој месечен буџет освен ако не ја распостелаш ептен чергата. Храна има ефтина во 7/11, Тук Тук за локален превоз се ефтини, ама мора да се ценкаш. Ефтин а добар интернет. Турите по острови знаат да бидат скапи по човек, од 50-70$ па нагоре, ама па нема секој ден да идеш, и плус имаш ручек вклучен. Тајланд е доста сиромашна земја, ако ги исклучиш туристичките места, и буквално за се можеш да се ценкаш, инаку ке те одерат. Смештајот требаше да ни биде 800$ месечно, вила со базен, имам пријател што живее таму од 2011-та, па полесно се наоѓа на овој начин.
Идете во Бангког, барем на викенд, на Скај Лебуа. Не запознав ниту еден до сега што не се воодушевил од земјата. Џабе слики, некои работи треба да се видат во живо.
