У принцип, не ја гледам потребата/оправданоста сервисен интервал да е толку голем. Сервис еднаш годишно или на 10.000 километри (што и да е се случи прво, нели) ми е сосем оправдан и реален интервал, особено тука во Македонија, каде што потрошниот материјал страда ради лошо гориво, нечист воздух, итн итн итн.
Никогаш не ги разбрав луѓето што „шпараат“ на сервис, кој што и онака е ефтин (ако го правите надвор од официјален сервис). Особено не ги разбирам оние што на дизел моторите не менуваат филтер за гориво на секој сервис, а се жалат после тоа дека им рикнале дизни, дека имаат проблеми, итн. Филтерот за дизел гориво нека кошта 2500 денари. Што се 2500 денари еднаш годишно? А не кошта ни толку, ако бидеме искрени.
Од друга страна, не ми се јасни ни оние што гледаат сервисот да го направат што поефтино. За да заштедат 500 денари на сервис од 5000 денари (ја земам оваа бројка, пошто толку ме коштаа мене маслото и филтрите на последниот сервис), ќе земат најефтини, кинески/турски/штознамкакви делови, а после тоа се жалат на нивниот неквалитет, и очекуваат возилото да им биде долготрајно.
Неколку пати до сега сум рекол, и ќе повторам пак - долготрајноста на возилото е резултат исклучиво на правилно одржување - тоа значи редовен сервис, квалитетно масло, квалитетни филтри. Ова е првиот предуслов. Да ставам поефтино масло, филтри или што и да е, и да заштедам 1500 денари годишно, а да ризикувам посериозни оштетувања на мојот автомобил кои можат да ме коштаат иљадници евра? Никогаш.
