Значи, чисто за да бидам јасен:
Не викам дека Оптимата е лоша кола. Напротив, викам дека е многу, многу добра кола, и односот вложено-добиено ја прави да биде автомобил кој секој треба да го провери ако размислува да купи модел од оваа класа. Дизајнот е одличен, моторот е погоден, добро е изолирана и со материјали кои веројатно ќе изгледаат и ќе функционираат исто и после 10 години и 500.000 километри.
Е сега, има детали и ситници кои после толку добриот екстериер, не ги исполнуваат очекувањата. Дисплејот за клима и дисплејот за радиото се приметливо олд-скул, седиштата немаат странична поддршка, кожата на воланот ми е „пластична“ (исто како и на i30-ката), мењачот е непрецизен и бара убедување за да влезе во кривина и кумплугот е прилично тврд. Од друга страна, има стварно, стварно многу место во колата, има стварно многу опрема, возилото изгледа одлично и целосно како пакет е многу добра опција.
Во секој случај, ако некој сака да ја види поубаво и да се повози, бујрум на Борис Трајковски во 7.
