@balanar Имам престојувано во Ипсос и Дасија на север од главниот град, како и во Агиос Георгиос (Св. Ѓорѓија) дијагонално на југ. Ипсос и Дасија се прилично близу до градот, во случај да не одиш со кола, можеш многу лесно со автобус да си отидеш.
Во двете градчиња/селца има рент-а-кар за 30 еу дневно. Ние зедовме за три дена и се можно прошетавме.
Места кои топло ти препорачувам да ги посетиш се следните:
1) Главниот град секако, тоа е by default, не заборавај да се изгубиш во огромната тврдина на самиот брег, прошетај колку што можеш
2) Плажата Глифада на запад, на другата страна на островот, чиста песочна плажа
3) Местото Палеокастрица исто на запад, каде што има малку покаменеста плажа, но ултра чиста и тиркизна вода
4) Во близина на 3) се наоѓа Ангелокастро замокот за кој е потребно малку планинарење, но сосема вреди погледот, а влезот мислам дека е 1.5 или 2 еу
5) Плажата Агиос Георгиос на северозапад каде што има огромна лагуна и е чиста песочна плажа
6) Ако си за повеќе авантура, над 5) се наоѓа местото Афионас од каде што се пристапува на дива плажа Порто Тимони, со некои 45 минути стрмно симнување и го нуди еден од најдобрите погледи. После 7-8 часот навечер, можеш и да ја имаш плажата само за тебе. Имај на ум дека потоа имаш саат време качување нагоре до Афионас
7) Мааалку погоре не заборавај да го посетиш 7th Heaven Cafe каде што има стаклена платформа, високи клисури и песочна плажа, со директен поглед на зајдисонцето
7) Во близина на местото Сидари на север се наоѓа гребен наречен Каналот на љубовта со солидна плажа и совршен поглед
На север се наоѓа местото Агиос Стефанос со предолга песочна плажа и плитка вода (кое малку наликува на Гостивар со рандом паркирани возила)
9) Другите места на север и североисток како Касиопи, Нисаки и Барбати се со малку покаменеста плажа и не толку чиста вода, но може да се посетат како питстоп
И така имаш еден цел круг по Крф-ска ривиера.
Југот кон Лефкими и Кавос не е толку чист и водата има доста алги.
