Опција 2, Let`s move on..
Извини Филип, на демоктратски форум, имавме демоктратско гласање (Daywalker еден глас, јас втор за опција 2. Значи 2 гласа према 1, и сеа за сеа опција 2.
Продолжуваме понатаму.
Hyundai IX35/Kia Sportage.Интересно е што кога сакам да потрошам некоја сума на пари на моменти ме гризе совест, и решение наоѓам ако демек новото го купувам пошто сум го продал старото (кога купував релативно скапо парче hi fi опрема дома, за да си го оправдам тој чин си продадов омилено парче кое има исклучително ниска цена).
Важно сум го продал старото, и ете оправдување за ново
. Па после тоа пак си го купував истото кога почна да ми фали
). Така и со коливе.
Во случајов и покрај што не ми беше неопходно да го продавам ХР-В -то (сеуште го возиме) , добив опција за откуп од еден наш мултидилер (истиот оној што го спомнав дека имав проблем , кој реков дека нема да го коментирам ни кој дилер е , ни случката околу тоа, само дека до крај на живот ќе го заобиколувам во широк лак), доколку купам кола преку него. Меѓу другите марки што ги продава е и Hyndai па разгледав IX35. Ова е возило што воопшто не го пробав, ама верувам дека вози слично со Kia Sportage (која што ја пробав и ќе пишам подолу). Прв впечаток за IX35 е дека е прилично пластично направен внатре.. Дури ми делува кичасто и евтино. Исто не можам да сконтам зашто некој би купил СУВ каде што покрај што нема опции за лизгање на седишта, кога ќе ги спуштиш седиштата нема рамен под (допринесува за можности за ставање работи). На прв поглед цената на Hyundai IX35 делува поволно, ама со гумен/пластичен волан, погон на две тркала и без опрема. Исто не можам да сватам зашто некој би купил таква верзија на СУВ? Кога ќе се додаде опрема, и погон на 4 тркала, IX35 со цена веќе влегува во сегмент на поинтересни возила, така да ова не е опција за купување за мене.
Во салонот на тој наш дилер, имаше една верзија со осредно ниво на опрема, каде што имаше и двозонска клима (еден од услови што ги имав). Дилерот ме убедуваше дека таа верзија е без двозонска клима
(ми бараше доплата за наредното ниво опрема, каде што сигурно имало двозонска клима). Влегуваме внатре, гледаме можност за подесување лево и десно, ама он упорно ме убедуваше дека тоа не било двозонска клима
. Му посочив на моментот дека има лево и десно подесување што укажува на двозонска клима, и за да ја реши мистеријата и кажа на вработената да се јави во Hyundai салонот и да праша дали возилото во кое ние седиме во тој момент има двозонска клима или не
(пази, ние седиме во тоа возило, тој продава коли со години, ама мора да се јави у хјундаи за да му кажат по телефон
). (Требаше уште тогаш да го заобиколам, ама јас само се насмеав на ситуацијата и се чудев како тоа продава коли толку години). Како и да е, излегов од таму со расчистено дека IX35 не ми е опција.
После некој ден, отидов до КИА салонот да разгледам Sportage. Ова е исто салон каде што би го рангирал на пониско ниво на услуга , барем према моето искуство. Некако површно и помалку незаинтересирано. Меѓутоа решив да дадам шанса, и ми понудија да одиме на тест. Верзијата од тестот беше со 1.7 дизел и мислам 115кс , погон на две тркала, и некакво осредно ниво на опрема.
Тестот што ми го понудија бил да свртиме еден круг на булеварот од салон до Ново Лисиче и назад, што мене ми беше неприфатливо, и им спомнав дека ако не излеземе барем на автопат до патарина, нема поента тестот воопшто.
Требаше да се јават кај некој шеф , и кога тој даде дозвола можевме да излеземе на такво тестирање (до патарина и назад).
Внатрешноста ја доживеав на исто ниво ко IX35, односно кичасто, евтино, пластично, а не бев нешто одушевен ни од удобноста, седењето... Ама ајде, за СУВ нели би требало да е дизел права опција, и се надевав дека бар моторот ќе биде нешто што ќе ме бендиса.. 1.7 ЦРДИ кај Kia -ва, е еден од полошите мотори што ги пробав.. Тром, нерафиниран... Исто колку што можев да осетам од тоа кракто возење, не бев одушевен нити од држењето на колата.. Навидум личи поволна цена (ама исто со гумен волан , погон на 2 тркала, слаб мотор, без опрема). Кога се вративме, побарав понуда со 2.0 мотор дизел (кој што верувам дека е соодветен за ова возило), опрема каква што би сакал, и дојдовме до цена што стварно не вреди за ова возило. Исто како и кај Хјундаи и овде не е рамен подот на багажникот, дури мислам дека ради формата собира уште помалку. На некои дизајнот им се допаѓа, мене ми се виде кичасто предизајниран. Дури почнав да мислам дека со тој нападен дизајн пробуваат да надокнадат за другите нешта, и дефинитивно раскрстив дека не е опција за размислување.
Наредно возило: Volvo XC60
поздрав
Дарко
