Се мислев постот дали да го ставам во темата Еко куќи или тука па одлучив да биде овде од причина што кога ќе биде комплетна сликата ќе има тревник, украсни дрвца и други ситници.
Бидејќи дворот не ми беше среден и изгледаше како класично бауштеле почнав полека да го средувам како што сум го замислил. Предниот дел од дворот ми е некаде 55-60 квадрати и замислата ми е да направам жардинњери од клесан камен од страните, патека од капија до куќа и во меѓупросторот тревник. Еве како изгледаше пред почетокот на работата.
Е сега, немам слики ама го ископав целиот преден дел 15-20 см во длабочина, вкупно околу 7 кубика земја исфрлив, донесов муљ такоџе 7кубика, се израмни и спремно е за сеење трева. Од капијата во правец на куќата почнав со подготовка на теренот за местење на хоуммејд бекатонки. Идејата ја зедов од тука и некои други слични видеа.
https://www.youtube.com/watch?v=RlopZcqyymc Калапот не можев никаде да го најдам кај нас, сите огласи ги поминав и ништо па на крајот го најдов во Бугарија што продава слични вакви и од таму го зедов.
Подготовката на теренот за местење на бекатонките се состоеше во одредување на ширина и висина на стазата. Ширината е 1м што е сосема доволно за двајца да одат паралелно еден со друг. Со оглед на тоа дека калапот за правење на бекатонките е 5см длабок, теренот го наполнив со муљ до -6см од посакуваната висина, добро го набив, поминав со ваљак, после тоа насипав 1см двојка ситни каменчиња и со тоа беше спремно за местење. Е сега, гледав на интернат разни видеа каде што под бекатонките ставаат некои пластични плочи врз кои тие се местат, некои ставаат обичен најлон, јас не ставив ништо од тоа.
Калапот за изработка е налик како на видеото погоре, со димензии 50 на 50 см. Смесата за бекатонките се состои од песок единица и цемент во сооднос 2:1, боја за цемент (во мојот случај црвена) која се става заедно со цементот и вода. Мешањето го правев во количка и пред да додадам вода прво на суво добро ја промешував смесата. Пред нанесување на бетонот во калапот, истиот се премачкува од внатрешната страна со уље заради полесно чистење на крајот. Калапот се става на земја, се полни со бетон, се чека 10-тина минути да почне да стврднува, се вади внимателно и се става на следното место за пополнување. Многу напишав а слики слабо па еве како изгледа за почеток.
И се така се реди до крајот па завршно пред фугирање изгледа вака
И една од птичја перспектива
Фугите сакав да ги пополнам со жолта ризла единица ама пошто не најдов а ме мрзеше да просеам песок единица, имав дома веќе просеана земја за цвеќиња па откако добро ја просушив исфугирав со неа. Заборавив само да додадам една лопата цемент во неа ама бидна веќе. Фугите почнав да ги полнам рачно со сипување директно врз нив па откако видов дека ќе ми треба многу време истурив од земјата врз бекатонките и со метла ја разнесов. Вишокот го тргнав, напрскав со вода и крајот му се виде. Еве како изгледаат фугирани
Бидејќи ги правев од три пати секој пат ми излегуваа во различна нијанса, некои посветли а некои потемни. Смесата и бојата секогаш беа во ист размер. Пошто ги прскав со вода секој ден а дел од нив само малку ги фаќа сонце почнаа покасно да сушат и да избледуваат односно да добиваат нијанса како и останатите. Затоа изгледаат шарено ама мислам дека со тек на време ќе станат сите исти. Друго што сум заебал е цел еден калап, или сум ставил малку цемент или појма немам што сум утнал ама сптен сум го промашил и почнаа да се кршат. Ги заменив сите освен две парчиња, чим и тие се скршат одма ќе ги мењам.
Инаку, еве што се од материјал ми требаше и колку ме чинеше целиот зафат за 6 квадарти:
- Калап 1800 ден (цена 1500 + транспорт 300 ден од Бугарија)
- Песок единица ¼ кубик 200 ден
- Цемент 2 вреќи од по 50кг 600 ден
- Муљот не го рачунам пошто веќе го имав, како и ситните каменчиња двојка
- Боја за цемент 10кг х 150ден/кг или 1500 ден
Вкупно 2300 ден за материјал не вклучувајќи ја цената на калапот или грубо 400 ден од квадрат.
Во глобала ништо посебно, темпото на правење со еден калап е малку бавно ама со два или повеќе ќе биде далеку побрзо. Далеку се од идеални ама и далеку се од лоши за изглед. Како за лаик и прв пат правење на вакви бекатонки јас сум задоволен од исходот.
Едит: Почна да заличува на нешто
