Се зголемуваат казните: За брзо возење 500 евра!!!Министерството за внатрешни работи подготвува измени на казнените одредби за сообраќајни прекршоци, со предлогот ќе има поригорозни казни за оние кои брзо возат, зборуваат на мобилен телефон и не носат безбедносен појас.
-Министерството за внатрешни работи предвидува засилени казни во однос на потешките прекршоци, изјави инспекторот Иво Најдовски за Канал5.
Тој предупреди дека заострени казни ќе има за прекршокот надминување на лимитот за брзината дозволен на патиштата.
– За прекршување на брзината од над 50 км на час од дозволеното предвидена е казна од 500 евра во денарска противвредност, потенцираше инспекторот Најдовски.
Доколку возачот одбие да плати, ќе му бидат запишани негативни поени, а по два вакви прекршоци ќе му се одземе возачката дозвола.
Се предлагаат и строги санкции посебно за оние кои ќе бидат фатени дека возат алкохолизирани – тие освен што ќе треба да платат или да им бидат запишани негативни поени, доколку се многу пијани, полицијата ќе има право да ги приведе додека не се отрезнат. Пијаниот возач ќе се испрати и во здравствена установа.
Се предлага и воведување на лиценци за автошколите – доколку се утврди дека некој инструкторот не спровел практична или теоретска обука, лиценцата ќе му биде одземена.
Казни ќе има и за испитните центри – доколку се утврди дека положил возач кој нема доволно познавање за управување со возило, ќе биде одземена лиценцата.
http://brif.mk/?p=166712
