Се вративме од Н. Мармарас вчера.
7 ноќевања.
Немам нешто баш материјал за патепис, некако попензионерски си поминавме. Станувавме доста доцна (12 попладне), па по една плажа на ден.
Дронот го земав, не го ни полетав.
Ги пројдовме плаживе:
Trani Ammouda (La Luna Beach Bar)
Neos Marmaras (Deep Blue Beach Bar) и Fratelli Beach Bar (ова во два дена). Препорака за вториов.
Lagomandra
Toroni (Kafe-Yozeri Kastro)
Kalogria (Via Mare Beach Bar)
Во Каламици немаше место за паркинг НИКАДЕ, па се вративме до Торони.
Сакав до Лагониси да отидеме, се вративме до T. Ammouda. Препорака и за овој бич-бар (La Luna). Сенките се огромни, цените се ОК.
До делот кај Сарти (Orange, само Сарти, па и Тиганија) - не ни отидовме, нешто не ни се возеше 50 минути во 1 попладне. Да оставиме нешто и за некој продолжен викенд, догодина, здравје
Од финансиски детали, потрошивме околу 850 евра, сосе сместувањето од 420 евра (7 ноќевања по 60 евра).
Пројдовме околу 844km, си се вратив со горивото коа го ставив тука (резервоарот на Леонов е ~55L) и остана уште кусур, баш ќе видам колку. Сум ставил 40L (околу 2800 денари или 45 евра).
Сме потрошиле 385 евра за двајца за сите други трошоци.
Е до патот до таму и назад, имам да споделам нешто.
Моја препорака е да се оди преку Liti - Agios Vasileos - Panorama (солунското Водно) - Thermi - Polygyros. 305km е од Marmaras до Штип по патов (преку Дојран).
Јас вака се вратив и мислам дека патот е подобар отколку преку Gerakarou - Sana - Polygyros (вака одев натаму).
Одење натаму:
Враќање:
На одење (19.08, понеделник) на граница бевме околу 13:30, немаше никој. Стигнавме во Мармарас околу 18:30 (наше време).
А требаше да тргнеме околу 8-9, беше премногу гужва и на двата ГП, па тргнавме подоцна.
На враќање (26.08, понеделник) на граница бевме околу 12:15 (тргнавме од дома во 09:15 по наше). Имаше 5-6 возила пред нас.
Нешто сликички, малку meh:
Импресиониран бев (како IT) со менито во La Luna.
Имаше и преку QR код и со NFC. Страната која се отвараше имаше премногу информации, фалеше уште онлајн порачка за да биде 10/10.
Може најдобро среден начин на порачка што сум го видел во грчки бич-бар.
Мармарас со „познатите“ ридови и долини:
Лагомандра. Третата слика ми е една од најдобрите слики што некогаш сум успеал да ги сликнам.
Kalogria:
Fratelli во Мармарас.
Moжеби најобилните порции во било кој бич-бар што го имам посетено.
На едно 40-50 метри од плажата видов и делфин како си игра. Се парализирав во глетката, не ми текна да го полетам дронот, а си играше сигурно едно 10-15 минути. Голем кикс.
