Вчера се вративме здрави и живи од летниов одмор, поминати 7 ноќи на Лефкада.
Мене ми беше трет пат таму, на девојката прв пат. Мислам дека не и се допаѓа колку на мене
, освен плажите.
Беше прежешко, па одевме на плажа околу 16h - 17h.
Одевме и се враќавме преку Битола/Меџитлија бидејќи на одењето тргнавме околу 5 часот сабајле, а веќе беше преполно на Богородица.
Преку Меџитлија/Ники поминавме за 5 минути вкупно. На враќање вчера имаше мааалку повеќе гужва, ама ништо страшно.
Се враќав и преку Серта, имаше полиција и пожарникари и рекоа дека го фаќаме последниот воз (бевме околу 19:30 кај касарната), околу 21h го затвориле патот.
Бидејќи ова сепак е CarClub, ќе напишам малку „технички податоци“ и нешто слики, а неделава ќе седнам да напишам и еден патопис. Може некому ќе му се најде.
Поминати 1461km (Штип - Битола - Лефкада и назад). За гориво потрошени 127 евра.
Потрошени околу ~83 литра дизел - што му доаѓа околу 5.68L/100km мешана потрошувачка (отворено и градска), со вклучена клима 95% од времето. Мислам дека Леонов е одличен во тој поглед.
На одење ставени 48L (76.5 денари беше на тој ден) од Макпетрол, а резеровоарот собира 55L.
На Лефкада ставени 40L (1.69€/литар) од Elin, Crystal Diesel. ОК е горивото. Не забележав разлика ниту од Макпетрол, ниту од V-Power на Shell.
Кога се вратив дома, има некаде останато 12L, што ќе му дојде она што го напишав дека има потрошени 83L (55L+50L, останати 12L).
За патарини потрошено 23 евра бидејќи одев преку Битола, а рутата преку Гевгелија е 34 евра.
За сместување потрошено 385 евра за двајца, за 7 вечери. Апартман во Аполпена, на излезот од главниот град.
Ми беше резервиран уште од март месец мислам.
Пари потрошено - 1050 евра за двајца. Од дома до дома.
Овде спаѓа сместување, гориво, патарини, патнички осигурувања, кредит на Cosmote и сиот џепарац за таму.
Нешто слики:
Видиковец над Пефкулиа
Пефкулиа плажа
Gialos плажа
Porto Katsiki
Пристаништето во Влихо
Gaidaros плажа (веднаш до Avali плажата, од другата страна на Kavalikefta и Megali Petra плажите)
Kavalikefta и Megali Petrа плажи, сега се споени во една
Зајдисонце
Плажата во Agios Ioannis
Eдна „задолжителна“ од истата плажа