Ме потсети за Тошиба. Имам монтирано Тошиба Сузуми 13 пред година и пол, од Енергија. Инсталација и комуникација одлична. Производ одличен, цела зима 35м2 без никакво догревање комотно стоплени (Скопје). Сметките одлични.
Немам никаква примедба, човек ако може да инвестира се работи за одлични машини.
Прошлава недела ми монтираа баш Сузуми 13ка, ама малку се изнервирав што не ми испратија од нивните монтери од Енергија - туку контрактори од страна.
Една од главните причини зошто се одлучив на клима од специјализирана продавница за фриготехника, е токму сопствениот специјализиран сервис. Така со испраќње контрактори работат супермаркетите за техика како Нептун и Техномаркет, само продаваат а за мотажа и одржување најмуваат разно разни сервиси.
Климите не се толку KW, туку само така пишуваат како „еквивалентна моќност“. Затоа и сите имаме поддименизионирани клими најчесто. Зошто 3.5KW клима личи многу, а таа да ти е 1KW всушност. Исто како звучници за компјутер кои се 600W P.M.P.O, a уствари се 9W синусна моќност.
...
Тоа е. А на сите ни треба клима од 20KW реално гледано, за да не се мачи ни зиме ни лете.
20KW!!!
Толку големи грешки имаш во разбирањата, што не сум сигурен од каде да почнам.
P.M.P.O e маркетинг жаргон за трговски цели, и означува само „пик“ во аутпутот - кој ништо не значи, пошто е теоретски пик кој појачалото може да го извади само на мал дел од секундата.
Од другата страна, вистина е дека климите се означуваат во киловати најмногу заради полесно разбирање за муштериите. Нивната вистинска единица мерка за јачина се
BTU. Климите кои имаат излез од отприлика 12 илјади BTU, се споредуваат и означуваат како одприлика 3.5KW.
Но тоа на страна и објаснето - тотално е погрешно таквото означување да го споредуваш со P.M.P.O кај аудио појачалата. Претпоставувам дека тебе те буни што не го разбираш тоа дека климите се всушност
топлотни пумпи.
Поточно сеприсутните клима уреди се топлотни пумпи воздух-воздух. Нивната работа нема сега детално да ја објаснувам, ама главното е дека ја преземаат топлинската енергија од надворешниот воздух, и истата ја предаваат на внатрешниот воздух во просторијата. Од таму иде тоа воздух-воздух во името.
Затоа е можно клима од 12кBTU да троши максимум 1.4KW електрична енергија, но сепак да дава 3.5KW топлинска енергија (а некои поквалитетни модели и до 5KW).
Од таму доаѓа економичноста во греењето на климите. Работата на електорниките, компресорот, подвижните делови, троши многу помалку струја од топлината што ја дава. Класична греалка (панелна, кварцна, електрично парно, итн) не даваат ни 1:1 однос на потрошена струја наспрема добиена топлина, гледано киловат наспрема киловат.
Едвај се разбрав кога требаше да се става клима дека минимум треба 7KW клима за тој простор. 7KW им личи уааааау многу, којзнае колку сметка ќе плаќаме, а тоа е уствари само 2KW моќност, помалку од еден панел просечен.
Тоа е. А на сите ни треба клима од 20KW реално гледано, за да не се мачи ни зиме ни лете.
Тебе те бунат киловатите, едни се тие од потрошувачката (електрична енергија) а други се киловатите за дадената топлина (топлинска енергија). Мислам, енергија е енергија топлинска или електрична, ама за наши потреби моќноста на климите се изразува во дадената топлина.
Погоре ти објаснив дека таа клима што ја имаш, иако троши максимум 2KW - тоа не е нејзината моќност. Моќноста не е потрошувачката, туку колку може да даде топлинска енергија за таа потрошувачка Во стандардните услови на декларирање на климите (~5 до 7целзуси), таа клима грее токму со 7KW топлина - иако не ги троши целосно ни тие 2KW. 2KW троши кога работи на максум моќност, односно кога надвор е минус температура.
Тоа за „дименизионирање“ на климитe, тоа е сосема друг (и интересен) муабет... ама ајде во некој друг пост за тоа. И овака постов е доволно долг за повеќето овде да речат TLDR.
