За овие неколку месеци што ја следам како функционира инвертер климава споредено со обичната (он/оф) разликата е во следново.
Обичната дува секогаш исто загреан воздух се додека не постигне зададена температура, потоа се исклучува, за по извесно време повторно да се вклучи.
Инвертерот дува со различна температура, но ретко се исклучува, постојано дува и покрај достигнатата зададена температура.
Со обичната се греев до +10 на дневна и околу 0 на ноќна надворешна температура со зададени 24/25 степени за 23 во просторија. Со пониски надворешни, ем почнуваше зачестено да мрзне надворешната единица, ем поради он/оф режимот на работа се појавуваше разлика во топлина во подалечните делови од просторијата, ходникот, а спалната фрижидер. Пошто веќе имам парно, преоѓав на греење со него.
Со инвертерот со исти подесувања и исти надворешни температури, ретко смрзнала, топлината е порамномерно распоредена, ходникот е топол, па дури и спалната е фино загреана.
Оваа зима на парно преоѓав со дополнителен пад на надворешната температура (под +5 дневна и под -5 ноќна), поради втората он/оф клима која се мачеше, и собите кои се загреваа индиректно а се оладија, купатилото да не го спомнувам, грч
Денес на +1 степен се охрабрив и ги оставив климите да работат, главно поради прогнозата дека ноќеска нема да има јак минус, и во моментов немам забелешка за инертерот, другата (обичната) веќе неколку пати направи одмрзнување.
Фактички 2 внатрешни единици од кои една он/оф се недоволни да го покријат учинокот од 7 радијатори како извори на топлина од парното за минусни температури.
Следно во план ми е мулти сплит за во спална и собата каде што е обичната клима и нешто за у купатило.
Ако е се како треба, парното ќе остане како бекап за поларни студови.
