Има ли некој искуство со греење со котел на пелети ? Минатото зимо се вселивме во куќава во Декември па не ставивме никаков котел и покрај целата парно инсталација ни куќава и се греевме на клими, 4 низ целата куќа(спални и дневна) од кои само една е инвертер и иако сметките за струја не беа толку високи(11-12.000 денари) сепак оваа година сме со намера да се грееме на Пелети заради загревањето на ходниците низ кои има поставено мрежа за подно грење како и стравот од многу ниски температури, кои рака на срце не представуваа толку проблем минатата сезона од 12.12.2014 па наваму.
Се работи за куќа од 240м2, поделени на три спрата. Како и минатата година и оваа го користиме само приземјето и горниот спрат така да за ефективно греење ми требаат околу 160-170м2, но би сакал да остане и некоја резерва за ако некогаш затреба да се активира и најздолниот спрат. Последниот спрат е како сутерен и е 60цм под земја, има одлична изолација па заради тоа и таму ставивме помали радијатори во сите соби кои се 4 на број. Останатиот дел од куќата е со изолација од 3цм малтер па врз него 5цм стиропор од сите три страни, четвртата страна ни е лепенка со друга куќа. Сите прозорци се PVC 70мм Rehau, 4 сезони стакло полно со Аргон(вака мислам беше).
Така да кој има корисни совети, искуства како и препораки за фирми кои се занимаваат со котли на Пелети ќе му бидам благодарен да ги сподели.
