http://faktor.mk/opshtina-centar-pochna-da-deli-subvencii-za-kupen-velosiped/Општина Центар почна да дели субвенции за купен велосипед
За поздрава животна средина и помал сообраќаен метеж - Полесно до велосипед! Општина Центар од вчера ја спроведува Одлуката за субвенција од 30% од цената за купување нов велосипед, најмногу до 3.000 денари. Секој полнолетен жител на општина Центар што ќе купи велосипед започнувајќи од вчера, потребно е да ги достави следните документи: - Барање за субвенционирање за купен велосипед, - Копија од лична карта, - Копија од трансакциска сметка, - Фискална сметка со сметко-потврда или фактура за купен велосипед. Барањата со комплетна документација се доставуваат во архивата на општина Центар, барака 6, почнувајќи од денот на влегување во сила на Одлуката за субвенционирање на граѓаните на Општина Центар при купување на велосипед, односно од 02.06.2014 година. По доставувањето на документите, подносителите ќе бидат известени за редниот број на поднесокот и субвенционирањето. Правото на субвенција е еднократно. За првите 5 кои ќе поднесат барање, следува пригоден подарок, информираат од општината. За сите дополнителни информации, граѓаните ќе се обраќаат кај координаторот на проектот, Весна Николовска (барака шест). Телефон за контакт 3203-663 и 070 214-867.
