Велосипед

[MartinAlfista]

XTR група, освен погонот, џабе да коментираме. Само групата кошта повеќе од тие 320 евра. За тие што се чудат каков муабет правиме, најлесната, најскапата и најелитната група на делови од Shimano за планински велосипеди. Понудата е гром, не знам како сеуште стои точакот на продажба.

[Deni]

Од скроз други причини се чудиме за муабетот. Не од тие.

[MartinAlfista]

Don't even start.

ЕДИТ:

За тие заинтересирани на тематика велосипеди, мора да се погледне! Ме воодушеви Martyn Ashton, иако е практично неподвижен до крајот на животот, сеуште е позитивен како што бил секогаш.

[Tome-Colt]

Денес од видиковец до средно ме изми за сите пари дождот. За надоле по мокрото малце страшно беше. Морам да ги фрлам гумите више време им е.

[MartinAlfista]

Моите стигнаа, ќе ги развозиш прво ти?

[Tome-Colt]

Фала брачед, ја ценам твојата несебичност ама сепак не ќе си нарачам и јас веројатно такви.

[krell]

Како е доста модерно и популарно да се возат fixie точаци, да споделам искуство што го имав со еден прилично добар fixie точак.Повеќе ми е поентата да пишам за начинот на возење fixie, одколку за конкретниот точак.  Точакот што го возам овие неколку дена е Bianchi Pista

.

Ај прво што е тоа fixie? Кај fixie точаци има една брзина и педалите се директно врзани со движењето на тркалото,  Односно го нема моментот да тркалото се движи а (курблите) педалите стојат. Ова значи дека треба постојано да вртиме на педалите, дури и на спуст.

Ова прави да е возењето по малку и опасно, ако се нема осет што и како. Иако возам разни точаци долго време, бидејќи не сум возел fixie прво отидов на кеј, далеку од сообраќај а во исто време и да се наместам.

Точаков што го возев е Pista Рам, и се карактеризира со геометрија што те става напред во позиција за спринтање, и е надграден со Bull Horn Handlebar што прави уште поагресивна спринтерска позиција. Кочница има само предна (задна кај овој тип точаци е вишок).

Ми требаше релативно кратко време да сконтам што смеам, што не смеам да правам, и малку пробував низ парк, па излегов меѓу сообраќај. Инаку педалите му се со корпи, и во прво време возев без да сум во корпите, а после почнав со нозете во корпи. Дури почнува да ми личи дека е доста побезбедно да возиш со нозете во корпи. Ова бара малку навикнување и не смее да те фати паника ако треба да ја извадиш ногата од корпата. Еве неколку нешта што може да се интересни за некој што размислува ваков точак:

1. Тргање - Kaj нормален точак, ги поместуваш педалите наназад дури не ги наместиш во позиција погодна за тргнување. Овде или треба да тргнеш во не секогаш идеална позиција на педали, или да се подигне задниот дел па да се намести позицијата со тркалото во воздух. Ова бара и малку вежбање, бидејќи лесно се поминува идеалната позиција на педалите дури е тркалото во воздух.

2. Влегување во кривина. Бидејќи го нема моментот да педалите се хоризонтални и да така ја фатиме кривината, туку цело време вртиме и во таква позиција лесно може да педалата удри  долу и да не измести, влегување во кривина или вртење е нешто што бара планирање. И никако да се заборави дека треба да се вртат педалите
После 20 -тина минути веќе скоро да не размислував, само што треба да се фаќаат кривините во поширок лак и поисправени.

3. Спуст - Е ова е малку зезнато, бидејќи како се забрзува точакот, така се забрзува и вртењето на педалите, односно треба со нозете да се трудиме да вртиме наназад, односно да одиме контра силата што се пренесува од тркалото. После извесно време и ова веќе не ми беше голем проблем, мада веројатно на долг и стрм спуст ќе биде прилично зезнато. И е нешто што бара јаки нозе.

4. Качување по тротоар - Ова ми успева ако ми се погодат педалите во нешто над хоризонтална позиција, за да се погоди моментумот на вртење на педали и подигање на предно тркало. Во спротивно морав да застанувам за да се качам на тротоар. Веројатно со вежбање од неколку дена ќе немам проблем и за ова.

5. Спуштање од тротоар - Полесно ми е од качување, ама сеуште немав контрола како што треба. И да.. Никако да се заборави дека мора да се вртат педалите

6. Кочење / Успорување - Е ова е нешто што го совладав релативно брзо, иако не се осеќам сигурен дека ќе можам да закочам нагло ако нешто ми излезе одеднаш.Предна кочница доста помага, мада и самиот осет што го имаш под нозе прави да релативно лесно успориш. Директно си поврзан со точакот и патот, и ти си моторно кочење. Ова е активност што прави воспаление на мускули, и е доста честа кај fixie -во. Инаку како поминуваше денес време, така појако и подобро кочам со нозе (мада ко да имам благо воспалени на некоја друга група мускули него обично).

Од почеток го возев полека, ама пошто е лесен рам и спринтерска позиција, почнав да го возам побрзо, па после некое време дури и да се тркам со коли (многу брзо стартува). Кај обичен точак се вози по релаксирано, кај fixie -во мораш да планираш и линија по која ќе возиш, и да предвидиш да не се случи нешто неочекувано (на пример гледам застанато такси и претпоставив дека можда ќе ми отворат врат и избрав линија на движење да може да избегнам ако тоа се случи. И баш тоа се случи.. Таксистот ми отвори врата. Да не испланирав такво сценарио веројатно ќе имав проблем да избегнам или закочам баш така нагло. Ова е можда и ради тоа што уште треба да размислувам како да застанам/закочам а не ми е механички рефлекс.

Што е поентата на fixieво? Зашто некој би сакал да го има/вози?

1. Лесен рам, и спринтерска позиција (погодна за кратки спринтови, на што и се сведува возење низ град).

Немој да купувате ваков тип на точак базиран на изглед, а со чкарт рам. Целата поента му е добар рам (лесен, цврст и добро да упива во исто време). Исто ако ваквиот точак е потежок од 10кг,  баталете. Немојте да купувате само ради изглед.

2. Забавен е за возење бидејќи многу добро убрзува, дури и доста добра брзина може да се одржува и од кога ќе се забрза.

3. Чувството дека си конектиран за патот, односно дека си едно со точакот (го осеќаш под тебе ко да е живо )

4. Ми личи дека е добар тренинг, и дека те тера да вртиш оптимално и постојано.Нема одмор дури и на спуст Самото возење бара повеќе планирање однапред што и како, што ми беше интересно и забавно.

5. Многу едноставен, нема што да се расипе, скоро да нема што да се одржува.


За кого е ваков точак?

Некој што е веќе искусен во возење точак, некој што сака да научи нешто ново, некој што сака возење низ град да му биде нешто ново и забавно. Некој што сака точак што добро забрзува и што сака вози брзо, а во исто време да учи техника. Некој што сака добар тренинг.

За кого не е ваков точак?

Не го препорачувам за неискусни, бидејќи може да биде доста опасен поготово низ сообраќај.

Некој што нема многу желба да врти нон стоп педали.

Некој што не сака да е во постојано напната позиција на седење.

Некој што не сака да се замара да планира како да вози и од каде да помине и како (fixie баш бара планирање каде и како  и кога).

Инаку помалку се разочарав од brooks седиштето, а можда сум и баш навикнат на моите selle italia седишта.

Инаку Pista геометријава може да биде малку незгодна (мене малку ме боли врат), бидејќи е во суштина за спринтање и кратки возења, ама мислам дека ќе успеам да наместам позиција каде што веќе ке го немам тој проблем.

Точаков може да се намести и само во Single Speed мод (односно да има само една брзина и понатаму, ама педалите да не мора да се вртат нон стоп, односно да може да се вртат само напред), ама па баш ми е интересен овој fixie мод и се осеќам ко да учам да возам точак од почеток


Ете толку од мене за сега

[MartinAlfista]

Исто така доколку не е перфектно, до милиметар наместена позицијата на седење, постои можност оние со веќе осетливи колена многу брзо да си ја влошат состојбата.
Искрено, фиксито во моментов го сметам за помодарство и хипстерство, особено кога ќе забележиш дека голем дел од популацијата што ги вози, се баш тоа: хипстери и помодари.
Сингл спид како што кажав претходно е многу попрактично за во град, баш заради фаќањето кривини, качување на тротоари со мало скокче и симнување од тротоари со скокче.

Крелл, имаш информација во кој сооднос е преносот? 48-15 ми изгледа како логичен избор, не ми текнало да побарам кој е најчест избор на фиксерите

П.С. Каков роуд излага од Pista-ваааа

[Van]

3. Спуст - Е ова е малку зезнато, бидејќи како се забрзува точакот, така се забрзува и вртењето на педалите, односно треба со нозете да се трудиме да вртиме наназад, односно да одиме контра силата што се пренесува од тркалото. После извесно време и ова веќе не ми беше голем проблем, мада веројатно на долг и стрм спуст ќе биде прилично зезнато. И е нешто што бара јаки нозе.

Mи текнува како копиљ со понито, во овие ситуации ги тргав нозете на страна (предна кочница е обавезна).

Инаку одличен опис, детално и убаво напишано. 

[krell]

Исто така доколку не е перфектно, до милиметар наместена позицијата на седење, постои можност оние со веќе осетливи колена многу брзо да си ја влошат состојбата.
Искрено, фиксито во моментов го сметам за помодарство и хипстерство, особено кога ќе забележиш дека голем дел од популацијата што ги вози, се баш тоа: хипстери и помодари.
Сингл спид како што кажав претходно е многу попрактично за во град, баш заради фаќањето кривини, качување на тротоари со мало скокче и симнување од тротоари со скокче.

Крелл, имаш информација во кој сооднос е преносот? 48-15 ми изгледа како логичен избор, не ми текнало да побарам кој е најчест избор на фиксерите

П.С. Каков роуд излага од Pista-ваааа

Мартин, кај било кој точак доколку не ти е наместена позицијата како треба ќе ти страда некој дел од телото.

Предолг/Пренизок стем: Болка во врат

Пренапред позиција: Болка во колена

Преистегната позиција: Болка во кичма

Затоа велам дека позицијата и големината на рамот е секогаш најбитно да е како треба, се друго е бонус.

Кај fixie во може да имаат проблем луѓе со осетливи колена или слаби нозе, бидејќи овде вртиш постојано, мада тоа не е така страшно. Јас имам повредено колено од скијање и некогаш знае да ме заболи на долги брда, ама еве вчера со fixie во воошто немав болка во колената (имав во вратот, ама веројатно ми е стемот уште прениско).

Помодарство е копирање на изгледот на fixie но не и суштината. И се слагам дека помалку онака изгледа, ама ко и секоја мода ќе пројде. И не се слагам дека кај нас се вози fixie Кај нас се возат точаци што личат на fixie, ама во single speed мод со Freewhell.Искрено никој не знам (освен сопственикот на точаков што го добив на заема), да вози во Fixie мод. Истите тие што возат "Демек Фиксие", возат ултра тежок тиња рам, Brooks седиште (пошто е тоа нели модерно и нели најдобро) и се што се прави е само копирање на изгледот на Fixie но не и суштината (се повторувам, знам).

Што е прикаската на  Fixie:

1. HardCore - Нема фенси опрема, тоа што си врзан директно за задното тркало прави да ти и точакот сте едно. И не може секој да го вози во fixie мод, односно за да се осети поентата треба човек не само да вози точак туку да го качи возењето точак на друго ниво. Ко да кодираш у Асемблер ако си програмер

2. Less Is More - Не ти треба ништо повеќе освен добар Рам, добри тркала и една брзина врзана за задното тркало.

Инаку и покрај што и мене ми е малку смешно што луѓе копираат изглед на Fixie (и при тоа не ги ни возат ко Fixie туку во FreeWheel сингле спид мод), сепак ми е позитивно, бидејќи гледам дека возат точак и луѓе што во суштина не сакаат точак. Да, возат од помодарство, ама па 30% од нив можда ќе сконтаат колку е ствари добро возење точак, и ете ти уште поголема критична маса на велосипедисти што ќе продолжат да возат и на понапредно ниво.

И да ти напоменам дека 99% од fixie точаци се у ствари и Single Speed како што го викаш ти ( Бидејќи и Fixie е сингл спид, само што движењето на курблата и педалите е директно врзано со движењето на тркалото, а во FreeWhell мод исто имаш една брзина, ама педалите ако не вртиш си стојат независно од движењето на задното тркало), а конверзијата се прави на два начина:

1. Flip-flop главина задна имаат повеќето од нив. Само го вртиш задното тркало обратно, го зашрафуфаш запчаникот на другата страна (има навој од двете страни. Една за Fixie мод, друга за во Freewhell мод (односно како што ти велиш SingleSpeed).

2. Sram Torpedo задна главина: Имаш подесување на самата главина. Сакаш FreeWhell сакаш Fixie.

Тоа со скокчиња, фаќање кривини и слично можно е и во fixie мод, само што бара по Advanced вештини за возење точак (и веројатно и не е така тешко да се научи, бидејќи вчера после само 1 саат возење почнав малку посигурно да се возам, поготово во влегување во кривина).

Преносот стандардно е 48-16, ама на овој што го возам јас на проба е ставено 50 напред, и е малку потром на тргање, ама е брз кога ќе се залеташ. Веројатно јас би останал на 48-16, бидејќи целата поента за низ град е да си стартен.

Pista рам е у ствари Road , само со спринтерска позиција, која прави да си поместен према напред во позиција на Готовс . Оваа позиција не е за долго возење, туку све е направено да имаш добро забрзување.

Инаку овој Рам не е погоден за класичен Road од две прости причини:

1. Не можеш да ставиш менувач, освен ако не комплицираш со главина со внатрешни брзини

2. Геометријата прави да позицијата на возење не е преудобна за долго и континуирано возење, туку за кратки и брзи спринтови (пак ќе се повторам. Погодно за низ град).

Батали ги оние што возат од помодарство (мада како што кажав мене ми се допаѓа што возат точак на тој начин и оние што никогаш не би возеле, а како поминува времето некои од нив и ќе сватат што е тоа у ствари), и пробај некогаш fixie.Начинот на возењето може да ти користи и за возењето на другите точаци, бидејќи нема опуштање, туку нон стоп треба да пазиш што и како , и нон стоп вртиш педали (добро за билдање кондиција).

Дали јас лично би го возел цело време во fixie мод? Не знам.. Можно е да не. Ама уште е рано за заклучок, бидејќи возев само неколку часови, и покрај што ми се свиѓа директната конекција со точакот, уште се осеќам несигурен за да влегувам низ сообраќај на начин што го правам со другите точаци. Од друга страна ако совладам како да возам и почнам инстиктивно без размислување, и почнам да се осеќам скроз безбедно, може и да го оставам во fixie мод.


И морам да ги спомнам гумите што ги има точаков. На Pinarello то имам Continental што се веројатно направени за Pinarello (Пишува на гумата и Пинарело и Континентал). На овој точак има Continental GrandPrix 4000. Неверојатно добра гума. Држи ептен добро, не осеќам никаков отпор, а во исто време прави некое меко пријатно чувство. Веројатно ќе ги размислувам овие гуми кога ќе дојде време за промена на Pinarello то. Во однос на stock Conti то од Pinarelloto, 4000 ве се многу помеки, и прават многу посигурно чувство

[krell]

3. Спуст - Е ова е малку зезнато, бидејќи како се забрзува точакот, така се забрзува и вртењето на педалите, односно треба со нозете да се трудиме да вртиме наназад, односно да одиме контра силата што се пренесува од тркалото. После извесно време и ова веќе не ми беше голем проблем, мада веројатно на долг и стрм спуст ќе биде прилично зезнато. И е нешто што бара јаки нозе.

Mи текнува како копиљ со понито, во овие ситуации ги тргав нозете на страна (предна кочница е обавезна).

Инаку одличен опис, детално и убаво напишано.  

За модераторите: Ова намерно го цитирам посебно, бидејќи е битно да се издвои од другата порака уште еднаш.

Van, не е исто ко на пони. Барем на моето пони (Unis - Sarajevo), се кочеше со контра на педали, ама сепак педалите/курблата не беа врзани директно со задното тркало (како кај fixie во).

На понито  ако се спушташ на некој спуст, стави ги нозете на педали, тркалото си врти педалите стојат во место (се дури не почнеш да вртиш према напред, или да закочиш према назад).

Кај FIXIE во ако ги тргнеш нозете на спуст како што велиш, веројатно или ќе ти скрши цеваница на ногата, или ќе паднеш ради што ќе стане све нестабилно и ќе изгубиш контрола. Овде вртиш цело време, и не кочиш со контра како на Пони то, туку правиш отпор на вртењето на тркалото. Затоа е и зезнат спуст ,  и затоа треба јаки нозе (од силината на контрирањето, зависи степенот на успорување што ќе го направиш

[Simo - Carrier159]

Јас фикси идејата ја гледам како еден вид помодарство. Ги разбирам оправдувањата од типот „одличен кардио-воркаут“, ама само до некаде. Дргуото е помодарство. Фикси е за се` полош во однос на било кој друг точак, освен за олимписки хронометар:

[krell]

Треба да се проба и тоа на начин не целофан , туку суштина.

Еве јас како гледам на нештата:

1. Ако треба да се има еден AllAround точак, дефинитивно Mountain Bike. Ем погоден за улица, ем за планина, односно за секаде. И тоа Mountain Bike со 26" или новиот 27.5" стандард. 29" ми е баш без поента и веројатно само маркетинг. Поентата на добар точак се лесни тркала и добар и лесен рам, а 29" тркалата се многу потешки од 26" и многу потроми во ситуации каде треба брзо да се сврти. Ваљда ради тоа и го напуштаат , и почнува новиот 27.5" стандард.

2. Ако не е битна можноста да се скока по тротоари, да се вози off road и слично, тогаш Road Bike. (Чувство ко да возиш спортска кола. Ама исто ограничувања од спортската кола, односно не можеш да го возиш секаде).

3. Ако ти треба за низ град, а веќе имаш Mountain Bike или Road за другите намени, сакаш  да колку толку се забављаш дури возиш низ град, не сакаш скапо и комплицирано одржување, и сакаш да е точакот доволно евтин, тогаш може fixie.

Како еден единствен точак Fixie не е погоден (освен ако не е само за низ град). Јас имам два точаци секој за својата намена. И двата се релативно скапи точаци за да воопшто помислам некаде да ги заклучам, или да ги трошам за возење низ град.
 
Од таа причина највератно ќе земам fixie кој ќе служи исклучиво како градско превозно срество, и кое би го заклучувал без да му мислам, а во исто време да ми праи колку толку ќеиф самото забрзување и начинот на возење. Сега се наоѓам во ситуација да палам кола, само ради што не ми се оставаат точациве заклучени без мој надзор.

Пробав со евтин точак со брзини, ама кога ќе се навикнеш на лесни  и брзи точаци, ти се губи ќеифот да го возиш. Мене од секогаш ми се свиѓале челични добри рамови, па можда и си барам изговор да возам еден таков.

Инаку деновиве направивме реставрација на Mountain Bike Кона со челичен рам од 1997 година (еден од најдобри рамови за мене.. Ружен е у пм, ама вози неверојатно добро. ). Целиот точак излезе 10.5 kg (Epic от карбонски ми е 11.2 kg), вози ептен добро и ако некој каже дека дискови подобро кочат од V-Brake треба да го проба ова.

[MartinAlfista]

Крелл, технологијата и идеологијата зад фиксито ја разбирам, но сепак фала што се потруди да објасниш, ќе прочитаат луѓе и ќе подразберат.
Би пробал еднаш во животот, за да видам како е, но знаејќи се себе, кога влегувам во нешто со резерва, треба да е неверојатно подобро од моето верување за да ме убеди дека е иствари - добро.
Покрај неверојатниот роуд што го имаш,  не знам како би се откажал од geared велосипеди. Иако ти е потребен за секојдневно низ град (треба да изгледа невпечатливо, сепак ќе треба некогаш 10 минути да отстои надвор), ќе си имаш многу тешка задача со изборот зошто нема да одбереш нешто што не е премиум, со премиум компоненти.

P.S. Од памет трескање, и сум го погодил односот на преносот.

[Van]

Van, не е исто ко на пони. Барем на моето пони (Unis - Sarajevo), се кочеше со контра на педали, ама сепак педалите/курблата не беа врзани директно со задното тркало (како кај fixie во).

На понито  ако се спушташ на некој спуст, стави ги нозете на педали, тркалото си врти педалите стојат во место (се дури не почнеш да вртиш према напред, или да закочиш према назад).

Кај FIXIE во ако ги тргнеш нозете на спуст како што велиш, веројатно или ќе ти скрши цеваница на ногата, или ќе паднеш ради што ќе стане све нестабилно и ќе изгубиш контрола. Овде вртиш цело време, и не кочиш со контра како на Пони то, туку правиш отпор на вртењето на тркалото. Затоа е и зезнат спуст ,  и затоа треба јаки нозе (од силината на контрирањето, зависи степенот на успорување што ќе го направиш

Немав намера да давам совети како да се вози фикси на спуст. Само кажав што правев како копиљ (моето пони мислам дека беше Рог, и дефинитивно беше pure fixie).

И да, удар по цеваница беше извесен... ако не ги рашириш ногите на страна. 
Исто и се друго што го спомна, така го паметам: фрлање искри со педаљите кога вртиш премногу нагло или се качуваш на тротоар без застанување...