Јас возам Michelin Pilot Sport 4 225-45-17 на Мерцедес Б класа и можам да потврдам дека е фантастична гума.
Лани поминав над 8.000 км со нив и можам да го истакнам следното:
- Држат одлично во брзи свиоци при поголеми брзини.
- На влажен автопат при брзини 140-160 км/ч го држат возилото како по шини, и не потфрлија ниту еднаш
- На ексремно влажен при пороен дожд до 120 км/ч немам почуствувано никаква разлика споредено со возење на суво. Над таа брзина не сум пробал, затоа што при пороен дожд и поплавен коловоз треба да си глуп да возиш побргу.
- Не се бучни воопшто, споредено со зимските гуми што ги возам разликата е огромна и овие се "бесшумни" во дирекнта споредба
- Доволно се меки за гуми со профил 45. Речиси и да не осетив разлика помеѓу зимските пневматици кои ги возам Мишелин Алпин 5 205/55-16 и овие
- На екстремно топло време се уште помеки споредено со возење при услови во пролет или зима. Претходното лето ги возев по бедната патна инфраструктура во Лефкада и нерамннините и дупките ги пеглаа одлично, како да возам гума со повисок профил
- На температури под 10 степени се тврди, но тоа не би го издвоил како маана, затоа што работниот опсег им е во летен период, а не во доцна есен или рана пролет
- Субјективно мислам дека температурниот опсег за оптимални перформанси на овие пневматици е на температури над 12 степен и целзиусови. Со тоа што како што е потопло времето и асфалтот имаат се подобри перформанси и стануваат по комфорни.
- Неможам да дадам никаков емпириски податок за трошењето на пневматиците, затоа што ги возев само една сезона и вака "на око" не делуваа дека се потрошени
Кога ги купував се мислев помеѓу Michelin Primacy и овие пневматици, затоа што барав крузинг гума, и мислам дека не згрешив што ги избрав Pilot Sport 4.
На ауто какво што ти имаш би идел на primacy без сомневање зошто сметам дека подолго ќе траат и се по-удобни. А за перформансите нема да коментирам, не сум тркач 
Но во секој случај и едниот и другиот избор не се грешка.
И јас размислувам исто како тебе. Primacy би требало да имаат плус комфор и минус перформанси во директна споредба со Pilot Sport 4.
Но, самото возило има доста круто подвозје и 99% го експлоатирам по автопат, речиси и да не го возам низ град. Позади има мулти линк потпирање и магијата ја прави на отворено во долги брзи свиоци.
Е, сега кога подвозјето директно влијае врз комфорот, разликата помеѓу Primacy и Pilot Sport ќе биде минорна на отворено, ама разликата во перформанси е очигледна.
Па од тука, дојдов до одлуката дека побитно ми е да имам чувство на сигурност кога крузам со 140 отколку да имам меко возење, ако се драпам со колата низ Скопје.
На отворен пат, разликата не е толку очигледна во однос на комфорот и двете гуми се близу во тоа што го нудат.
Далеку е од тркачки стилот на возење, затоа што сепак комбесто е возилото и неможеш да се опуштиш со него како со Форд Фокус на пример. Има голема инертна маса, повисоко тежиште од било кој седан, хеч, па и да сакам да го запнам "спортски", не дава.
Главен параметар при изборот на гуми, покрај цената која е најбитна треба да биде и начинот и местото на експлоатација.
Ако возилото го возам поголем дел од времето низ градски услови и инцидентно во годината идам на екскурзија по автопатишта, тогаш би идел на крузинг или по комфорна гума. Реално Pilot Sport 4 во градски режим на експлоатација е оверкил да го ставиш на било кое возило. Патиштата ни се суб стандардни, пневматикот ќе треба да трпи дупки и оптоварувања кои за кои што не бил проектиран да ги трпи. Ќе страдаат често фелни, и ќе има проблеми од друга природа.
Субјективно е размислувањето, немора да значи дека сите треба да го делат со мене.
Си праиме муабет, де...
