Mazda 3 или Toyota Yaris

[Dqrko]

Здраво на сите,

После подолго време следење на форумот дојде време да пишам за консултација.
Бидејќи ни здосади со подобрата половина да ги ротираме двете стари коли да не ни скапаат на паркинг, решивме да ги продадеме и да земеме една понова и поубава.

После некои компромиси, да е спортско, да собира 4-5ца, економично и „поново“, имајќи предвид дека рипнаа и цените на половните коли, се одлучивме на нова кола и тоа се мислиме меѓу два модели:

- Мазда 3 со 2.5 атмосферец, 4cyl 140 кс мануелец, хечбек варијанта со center-line опрема или
- Toyota Yaris 1.5 хибрид, 3cyl 116 кс ауто, со Fancy опрема

Маздата ја немам возено, имам седнато само и внатре е авион..со „кожа“ на шал табла, греачи на се и сешто, HUD, секаде убави материјали. На папир ми е многу интересен фактот што има 2.5 атмосферец, ме потсекја на германските лумузини од пред 15-20 години, а и ми се допаѓа идејата на поголем мотор во помала шасија, мислам дека ги прави постабилни.

Тојотата си е тојота..економична, скоцкана, ја имам возено и е прилично стартна поради електричниот мотор. Со CVT ауто-то е како картинг, гас и кочница и не се осеќаат брзини. Си има и одличен сервис и 10 год гаранција, а и поевтина е некои 3к.

Прашањето ми е дали некој имал повеќе искуство со Маздиве, посебно со сервисот Мазда кај нас? Знам дека е поскап (~20к за мал сервис), ама немам никакви информации во однос на квалитетот на сервисот и се остало.
Дали и што друго можеби би одбрале во овој ценовен ранг (<25k еур)?

Поздрав до сите 

[zeroSignal]

Различни класи се возилата. Маздата е поголема, многу подобра за возење. Јарисот е повеќе градско возило.

Мојот глас во конкретнава ситуација оди за Маздата.

[Ordevski]

Yaris и 5мина во една реченица никако не би ги ставил. Не дека во Маздата ќе им биде нешто многу комотно, ама сепак би било толерантно. Во однос на "спортот", хибрид+ ЦВТ е далеку од брзински уживање, самиот склоп е кон комфор и економија.

Според твоите барања и јас гласам за Мазда 3, плус субјективно за мене изгледот е многу поубав. Во однос на сервис, не очекувам ни со едната, ниту со другата да имаш проблеми, нови возила што освен промена на масло не би им требало ништо друго.

Sent from my SM-S928B using Tapatalk

[Dqrko]

Ви благодарам за одговорите, дефинитивно се сложувам дека во однос на изглед и простор се издвојува Маздата од двете.
Ми беше страв од сервисот на Маздата само затоа што не знам никој што имал искуство со нив до сега, ама како што кажа Ordevski не би требало нешто повеќе од редовен сервис барем наредниве неколку години додека е во гаранција (се надевам)

[AllMightyMe]

Види си и Форд Пума, 24к е каталошка, освен ако не си по СУВ.

Од тие две, јас сум за Маздата. Само не очекувај потрошувачка 5-6 л

[Dqrko]

Види си и Форд Пума, 24к е каталошка, освен ако не си по СУВ.

Од тие две, јас сум за Маздата. Само не очекувај потрошувачка 5-6 л

Баш ќе ги погледнам и фордовите, читав дека имаат интересна вожња.

Инаку за потрошувачката на маздата се надевам да е само под 10 реална..беемвето сега што го возам пие скоро 14 л на тргни застани низ Скопје..

[Hardboy]

ако има лагер од маздата што во моментов има цена 22590 земај од маздата и не гледај назад. околу сервисите можеш да прашаш во сервисот кај нив ќе ти направат план. Тојота веќе има онлине можеш да видиш на страната - воопшто не е ефтин.
Хибридот е ок на папир, би ти предложил да го изгледаш ова видео https://www.youtube.com/watch?v=y9qC3mYIviw. Хибрид со оштетена батерија не можеш да го возиш само на бензин. Батеријата на тојотата е мала кога тогаш ќе се подуе.

Сума сумарум: на нашите сервисери најпознати мотори им се германските дизели. Се научија како да решат ДПФ ЕГР делови има со лопта да ринеш и нови и половни. Нешто што не може да се каже за јапонските, кои воопшто не се лоши возила.
Квалитетот на склопување е горе долу секаде ист.
Пасат од 2017та е постегнат од новиот.

[vlatko.klp]

Прв пат слушам да се подуе батерија и заради тоа да не купам тојота хибрид 

Изборов малце е чуден пошто класата не е листа али во секој случај би идел на јарисот освен ако имаш мали деца тогаш јарисот дефинитивно е аут.

Хибридот во тојотата особено во јарис иде многу многу добро а троши ко упаљач. Неколку пати го возев во јарис крос и немам никакви замерки. Сигурно ќе биде порелаксирано од атмо бензинец со мануелен менувач. Па во комбинација со адаптивен темпомат мераци.

Изглед лично мене ми е последна работа што гледам, треба ептен да е грдо возилото па да размислам два пати. А на "убави" автомобили како мазда 3 или незнам алфа џулија не се палам.

[Skywalker]

Маздата во прајм лајн и со ауто менувач е исто колку центер лајн со мануал. Стандардна опрема и во основниот модел е адаптивен темпомат. Е сеа некои работи фалат во основниот модел какп автоматска двозонска клима, греење на седишта и волан итн.

[boksata]

Бонус: Двозонска клима кај маздата зависи од пазар до пазар, мислам дека за кај нас двозонска клима значи возач и совозач, а не напред и назад.

[AllMightyMe]

Маздата во прајм лајн и со ауто менувач е исто колку центер лајн со мануал. Стандардна опрема и во основниот модел е адаптивен темпомат. Е сеа некои работи фалат во основниот модел какп автоматска двозонска клима, греење на седишта и волан итн.

Мислам дека автоматик може самл како опција во следно ниво на опрема, центар лине.

Во 2025, дизел, дајте клабери посериозно.


Јас би рекол каде возиш најчесто, каков е планот со колата следни 5-10 години итн.

[Skywalker]

Од нивната веб страна

Цена од 22 590 еур со рачен менувач.

Цена од 25 590 еур со автоматски менувач.

Понудата важи за моделите хечбек и седан.

[Dqrko]

Изглед лично мене ми е последна работа што гледам, треба ептен да е грдо возилото па да размислам два пати. А на "убави" автомобили како мазда 3 или незнам алфа џулија не се палам.

Се слагам, ама сепак гледам да е најдобро од оваа ситуација..инаку секако и јас би некоја металик сива 996 Carrera како од Gone in 60 seconds (што патем се наоѓа за иста цена како Маздава), ама „среќа“ што не можам да ја регистрирам уште 10 години во МК.

Од нивната веб страна

Цена од 22 590 еур со рачен менувач.

Цена од 25 590 еур со автоматски менувач.

Понудата важи за моделите хечбек и седан.

Може ауто и мануал за сите нивои на опрема, ама би преферирал мануал дека им е премногу стегнат. Башка 3к за ауто не знам дали би дал, би ги додал за center line дека планирам повеќе години да ја возам.

[Dqrko]

Update: Бев во Тојота и кога се наместив во малиот Јарис со најниско седење и најпозади седиште, сепак ми се удираа колената од воланот, така што тоа отпаѓа. Замена за малиот Јарис влага Yaris Cross со Light ниво на опрема, што горе долу подобро ме собра.

[andrejnaumovski]

Маздата бе, уште па со рачен менувач, милина. Каков ЦВТ