Како љубител на француски возила (особено Рено) и многу поминато време покрај нив во сервис со татко ми уште од мали нозе, дојде време да купам една од многуте коли кои што го означија Рено како сериозен бренд барем во моите очи.
По долго време поминато на огласите барајќи спортска кола, налетав на овој примерок на Реклама5 и одлучив дека ваква кола не се пропушта.
Во меѓувреме пред купувањето на Меганот, многу видеа беа изгледани, странски форуми прочитани и слики разгледани.
Овој Меган го зема местото на 2016 Ауди А3 1.6ТДИ кое што го имав и го продадов за да го купам него.
Колата ја купив од
@andrejnaumovski во август годинава.
Секоја чест на нему за начинот на кој што ја одржувал и чувал додека била кај него и му благодарам за се од негова страна во текот на продажбата.
Меганот е несекојдневна појава во оваа изведба и до сега во Скопје имам видено само уште еден црвен на улица откако го купив мојот.
Начинот на кој што се споени моторизацијата, суспензијата и шасијата на ова возило е просто неверојатно. Створен е за да ги владее кривините без никакви проблеми и се гледа како неговиот појак брат, RS275 Trophy-R своевремено го добил рекордот на Нурбургринг. Меганот ми прави многу голем мерак, и во иднина сакам да го направам по мој вкус, нешто во стилот на OEM+ проект без непотребни модификации или претерувања. Ова е идеално возило кое што има се што е потребно од опрема за секојдневието (Bluetooth, греачи и електрика на седишта, клима, keyless entry and go, сончев кров итн.) без да го изгуби својот спортски карактер. Со своите 300hp и 415Nm се однесува перфектно и не гледам потреба од зголемување на тие бројки со оглед на проблемите кои што можат да настанат како резултат на тоа.
Колата откако е кај мене има добиено:
1. Нови свеќици за палење
2. Нов термостат за ладење кој што им е слаба точка на овој модел (потрошувачката падна за 1.5Л)
3. Фабричките бандажи беа китирани и префарбани во нијанса на сребрено-сива боја на BMW (Donington Grey Metallic)
4. Single stage полирање за да ги извадам флеките од вода и повторно да добијам беспрекорен сјај
5. Фабричкиот краен лонец е вратен и колата сега звучи потивко и многу подобро
6. Промена на масло во менувач
7. ЛЕД долги светла, позиција, рикверц и на таблицата
8. 18-инчни оригинал Рено бандажи (модел Celsium од Лагуна 3 купе) за зимски гуми (offset-от на овие бандажи го прави фитментот на колата перфектен, дури мислам и да ги направам летен сет)
Модификациите кои што сакам да ги направам во иднина се следните:
1. Комплет силиконски црева за турбо и интеркулер RS Performance
2. Strut brace
3. Подобрено озвучување
4. Префарбување на кочионите шепи
5. Појачани Ксенон сијалици (Осрам или Филипс)
Истотака сакам да направам и освежување во делот на моторот, како промена на бомбини за палење, чистење на дизни и некои други ситници.
Еве и неколку слики откако е кај мене:
