Ај на пошироко сега.
Гумите каснеа ептен, битно стигнаа. Како што кажав земав Toyo Proxes од Мотоцентар, кога сме кај нив, една фалба да им дадам за внимателно завршената монтажа на гумите.
Монтажата на кола си ја направив сам, извадив старите, исправ пластики под крила, ставив заштита, ги исчистив гумите од тоа мачканиците што ги ставаат при монтажа, ги наштрафив на кола и и мавнав едно перење. Бандажите не успеав да ги поминам со керамика, ама си добија восоче. Гумите премачкани со средство.
Ја пробав колата на кратко, први впечатоци се позитивни, на комфор мооооожеби малку е покрута, ама искрено не ми смета, на волан добив многу подобар фидбек, побрза е реакцијата при вртење и е постабилна. Гумите не осетив да бучат, што ми е ептен важно, утре ќе искочам на отворено па ќе дефинираме за сигурно.
Е сега лоша работа...
Еден од задните бандажи шантраше на балансерка, се залепија доста тегчиња и малку ми скрши мерак, другите се океј и поминаа со мали грамажи. Утре на отворено ќе видиме ситуација, дали ќе има тресење или вибрации. Така да после тоа ќе видиме што понатака.
Генерално сум презадоволен пред се од изгледот, задните некако ми изгледаат кнап, ама не фаќаат на полумесец.
Наредно ми е сервис да се направи, масло филтри, со тоа што ќе биде малку подетален, подетален околу дихтунзи на куќиштето од филтерот за масло, малку подлизнува ако добро гледав, кога сум кај него сакам да сменам и ладилник за масло што иде на него, дихтунзи на усисна ова превентивно, респираторот за маслени пари, лани сменив само филтер, сега ќе иде комплет со куќиште и слични зафати што сум гледал по нетов, како превентива.
Тоа би било тоа.
![](https://i.imgur.com/EqXxqgK.jpeg)
![](https://i.imgur.com/ZEd2pZA.jpeg)
![](https://i.imgur.com/tHr13dA.jpeg)
И да, напред плаче за спирали па и некое дистанцерче за да биде како што треба, ама тоа тешко да се случи.