Од пред некој месец се возиме со оваа Skoda Kodiaq 4x4/ 2.0 TDI 190PS/ DSG - Style
Година на поризводствo 2018 - регистрирано Март 2018. Купена и одржувана на домашно ниво - Porche MK.
Преземена од прв купувач со 67xxx км и возена до сега едно 52хх км пред и официјално да ја завериме у матично.
Од опрема нема:- Virtual Cockpit
- Panorama sunroof
- Leather interior ни Alcantara
- Ventilated/cooled seats
- Трет ред на седишта
- DCC
- 360 Camera и странични сенозори
- Lane Assist
- 20" Alu Wheels
- 220в ~ инвертор
Најкорисно од опрема/опции:- Адаптивен темпомат - добра функционалност и одлична ускладеност со DSG го прави и во град употребливо
- LED светла со автоматски долги светла - не е секогаш најдобро на автопат, но на магистрални патишта фино се справува со задачата
- Помош за паркирање со камера позади
- Протектори на врата - малце се осетливи и се поткршуваат ама лесно се менуваат
- Затварање/отварање на петта врата на копче - особено за госпожата
- Добри опции за пакување и редење низ багажникот. Плус место за да преспијат двајца легнати во зорт
Фалинки:- Инфотејментот - во најмала рака очаен од кориснички аспект. Не ми е јасно како си дозволуваат вакво конфузно, недоделкано и од кориснички аспкет мизерно решение. Особено ако си љубител на музички враголии, плеј листи, лесно менаџирање и навигација преку едноставно бирање опции - епа нема такво. Овде си оставен на немилост на аљкав андроид програмер кој го заболе уво што треба да се прави кога се вози кола,
- Kessy - никогаш не ми бил прифатлив во подобрување на конфорот во животот. Напротив, клучот си имаше место во кола и не можеш да го затуриш низ кола
- Старт/Стоп - сеуште не успевам да го разберам како да го контролирам кога на раскрсница нема семафор и чекам да завртам на лево. Во Мерцедесот далеку полесно го правeв тоа со педали и менувач
- Isofix не можеш да монтираш вo средина - Може некому му изглеа непрактично, ама мене во моментов тоа ми беше нешто што мнoгу ќе ми ги олеснеше семејните патувања
- DSG- некако не ми е доволно софистициран и низ град е падни - стани и во најмала рака во комбинација со големината на колата те прави да се осеќаш ко слон затечен во антикварница за порцелански реликвии
- Квалитот и завршнатаобработка - дури и за ова ниво на опрема сеуште го експонира „Прима мембел“ пристапот. Како и да е, лошиот вкус се компензира делумно со корпоратините платформи за механички решенија и логистиката што ја имаат обезбедено преку VAG групацијата. нешто на лик на Веге Бургер.
Од опрема која ја има а не би дале пари ако ви бараат дополнително:- Чадор(и) - не знам каде ми е вториот ако некогаш имало
- Капаче за ќеса за ѓубре во вратата (ја викаат канта не знам зошто)
- Гребалка за мраз во вратничката за дотурање гориво
- Батериска ламба во багажник која е на полнење и го осветлува дополнително багажникот со магнетче да може да си ја залепш(ова е добра финта)
- Припрема за украс за лажни издуви во браник (невозможно е да бидат чисти)
Планови за иднина:- Да средам кровни носачи пред одмор, да не зафали уште 300л (имам веќе кровен куфер).
- Да купам зимски гуми за другиот одмор.
- Да турам гориво, адблуе, редовни сервиси, и да се вози многу.
Повеќе слики барајте од
тестот на zeroSignal бидејќи мислам дека се скоро идентични, освен алкантарата на седишта и Canton озвучувањeт.
За искуството до сега. Прилично робусно, грубо и нединамично возило. Оние 190кс веројатно сaкаат некако да хартија да те намамат дека има овде муабет за перфроманси, но нема. Поточно има, ама серка е да стигнеш до нив. Послабата верзија можам да замислам дека не мрда ако оваа се осеќа ко тиња. Претпоставувамдека на габаритот и тежината тоа е тоа. Нема бегање ако сакаш прифатливо возење заеби слабашни 150 кс.
Најдобар начин на користење веројатно е крузање во опсег 100-130 км/ч. Во тој начин на употреба потрошувачката оди докај 7,5 - 7,7 л/100км. Нерамнините на пат и на скопските улици се осеќаат целосо и не е нешто голема удобноста во поминување преку нив.
Од друга страна просторот внатре е удобен и на долги релации не е тешко да се поминат повеќе часови зад волан и на задна клупа.
Ако треба да почнеш да јадеш кривудав пат веројатно ќе поминаш ко гуштер у војска кога се учи на Дајц. Динамиката е скоро на тоа ниво, со DSG што не се осеќа пријатно во такви услови кога почести промени се неопходни. Мануелниот начин на менување понекогаш помага но е исто неинтуитивени напорен дури и со педалите на волан(може треба целосно да се навикнам за добро да го владеам).
Сепак, за семејно возило кое ќе собере 5 члена во редовен состав со доста опрема која си ја тркаламе за секое патување ова беше примамлива шанса и ни го замени Mercedes B180 што ни беше примарно семејно возило.
