Бев и јас да и се качам во меѓувреме. Бидејќи го носи истиот мотор со моето Браво и се поставени на иста платформа ме интересираше како се споредуваат едно со друго. Бидејќи се работи за споредба на нова кола со половна, не ги земам во предвид работите кои можат да се влошат со тек на време.
Моторот во едната и другата кола се однесува тотално различно. Во Giulietta-та има инстантна респонзивност на педалата за гас, идеална за брзи стартови, исто така моторот повеќе влече на пониски вртежи, ама потоа не се осеќа зголемување на силата со вртежите. Кај Бравото е обратно - има празен од на почеток, си бара повеќе да дадеш гас за да повлече, а како што растат вртежите тегне повеќе.
Суспензијата исто делува целосно различна, Бравото се навалува во кривини и на кочење и се осеќаат многу дупки на патот, кај Џулиетата не. Исто така кај Алфата воланот е потежок и вртењето е подиректно.
Материјалите кои се користат во ентериерот во Алфата се далеку поцврсти, а основните седишта се баш спортски и многу убаво го гушкаат телото.
Е сега, гледано со конкуренцијата Џулиетата има можеби најинтересна вожња во класата со одличен мотор со карактер, али дизајнерски во ентериерот веќе почнува да заостанува. Воланот е многу голем и радиото изгледа како афтермаркет. Сепак генерално, по цената што се нуди е одлична зделка и без размислување би ја купил ако би барал возило од оваа класа за тие пари.
