Фала ви дечки на одговорите. Знам дека мешам и баби и жаби со изборот на ново возило, ама сепак за мене 20 бона се голем износ и кога веќе ги давам, сакам да купам нешто што ќе ми биде по ќејф најмалку следните 6 години.
Многу битна работа која влијае на изборот на ново возило е кога ќе возиш демо модел. И мислам дека тоа стварно е голем бенефит за нас како купувачи.
Бевме и до други авто салони и среќен сум дека кругот се стеснува.
Одиме по ред:
Fiat Tipo отпаѓа од комбинација. Пространо возило, даваат и солиден попуст, ама ентериерот ме разочара.
Во Nissan не влеговме, ама нема модел како што сакаме.
Peugeot 308 не ни остави впечаток. Не можам да објаснам зошто, ама едноставно не ми прај ќејф.
Citroen C4 кактусот има многу интересен ентериер, со, за мое пријатно изненадување, квалитетна завршна обработка, ама багажникот е премал. Не сакам SUV возила, ама мора да го пофалам новиот C5 Aircross. Ентериер фантастично добар, многу интелегентно решение за задните седишта, сите 3 се независни и може да се поместуваат напред/назад и со тоа има варијабилен багажник. За љубители на ваков тип на возила, топла препорака да го пробаат. Од друга страна, Peugeot 3008 ми се виде многу просечен во споредба со цитроенот, а иста групација се.
Елантрата е така-така, просечна би рекол и ништо повеќе.
Suzuki влеговме чисто да не ни биде криво и го повозивме SX-4. Трицилендричен турбо бензинец, кој за градска вожња нуди одлични перформанси. Сепак, моторот и менувачот се единствени позитивни работи, ентериер слабо, задна клупа повисока од предна, не прај ќејф ни ова.
Ја возевме инсигнијата, до душа 1.6 дизел од 136 коња со innovation ниво на опрема. И покрај тоа што е голема, солидно прегледна е за маневрирање, тивка на брзини од 120-130 km/h. Дизелот е со 320 Nm обртен момент, убаво испеглана крива има и таман си влечи. Не е најбрзо нешто што постои, ама за фамилијарна кола е сосема солиден мотор. Е сега, ако 1.5 тубо бензинецот од 140 коња кој има 70 Nm помалце, ама и неколку килограми е полесен, има слични перформанси, тогаш би бил задоволен. Тука максималниот обртен момент иде 300 обртаи покасно одколу кај дизелот, ама па затоа ижа поголем распон. Педалите одлично се дозираат, менувачот многу добар, управувач многу прецизен. Единствено нешто што не ми се бендиса е што управувачот беше многу лесен, како да возиш на играчка волан за компјутер од 1500 денари без feedback. По мене ќе си останат хидрауличните волани најдобри за возачите, ама во интерес на заштеда на маса на возилото и модерни технологии, сите нови возила се со електрично серво. Сума сумарум, можеби и малку пристрасно поради мојата љубов кон Opel, можеби бидејќи сега возам astra, инсигнијата пстави ептен позитивен впечаток.
Јас би ја земал во Edition ниво на опрема, но со Edition пакет плис, кој носи дво зонска клима и уште некои други работи. Сепак, најпозитивната работа кај opel е што има повеќе застапници, а тоа носи конкуренција, а тоа носи предност за купувачот. Што значи, си ја земаш понудата од едниот авто салон, му ја покажуваш на другиот и добаваш малку пониска цена, таман онолку за да си доплатиш гаранција, или да си додадеш дополнителна опрема.
Ова со конкуренцијата сакам да го пробам и кај дилерите на шкода, во Битола, Струмица, Куманово. Може иста цена ќе дадат, ама побрз рок на испорака.
Не стигнавме да одиме во Subaru, Honda и Kia.
