Постои тенденција на Форумов (а тоа не е вина на овој Форум, туку генерално на повеќето форуми) да се пријавуваат многу повеќе инциденти со негативна конотација, наместо пофалби. Тоа е очекувано - луѓе бараат помош и совет кога им е тешко. Ретко се фалат од добриот пристап затоа што, нели, добриот пристап е очекуван!
Соодветно, постојат многу објави за проблематични сервисери. Мене лично, на Крузот, бивш официјален сервис на Шевролет (велам бивш затоа што сега е мултибренд сервис ако тоа е битно), во три последователни сервиси ми наплаќаа полен филтер со активен јаглен без да го променат. Тоа помина затоа што сервисните интервали беа кратки, а ОЕМ филтерот лонг-лајф. Нејсе - со нив искуството е ужасно негативно, со друг сервисер на Шевролет многу позитивно.
Но тоа не значи дека сите сервисери прават глупости, и на сите клиенти. И дека само чекаат некого да зезнат.
Плимонт одржуваат плински системи на 3 возила во моето семејство. Не се сеќавам да сум платил 1,700 денари никогаш за редовен сервис (промена на филтри на 20К - чинам дека толку е интервалот) туку помалку. Може цените се смениле. Но моето искуство (велам МОЕТО искуство) е дека луѓето од Плимонт, особено Сашо, се труделе постојано да ми дадат максимум услуга за она што го наплатиле.
Стручноста е кај нив, како стручен сервис. Со завршување на услугата, и плаќање за истата - стручен сервис ти дава некаква сигурност за завршена работа. Или е завршена и си наплаќаат, или не им плаќаш додека не ја завршат.
На крај, дали 3,000 денари е многу или малку, не е наше да дискутираме. Сервисот побарал сума, клиентот се сложил. Сервисот ја завршил работата (колата работела), клиентот платил.
