Иако не знаеме во кое својство се јавува Индиго, а не клиентот, од почит кон колегите од форумот ќе ги споделиме информациите за дотичното возило.
Возилото Опел Калибра го посетило сервисот на Плимонт во Ченто. Клиентот донесол своја кабелажа за инјектори и побарал да се поврзат инјекторите на плинскиот уред со неа. Направено е поврзувањето со неговата кабелажа, но плинскиот уред со таа кабелажа не профункционирал.
Заради сомнеж дека е можен проблем и на плинскиот компјутер, а се работи за постар тип на плински уред (Ланди Плус Макс кој веќе неколку години не се произведува) возилото е препратено во сервисот во Аеродром.
Клиентот директно комуницираше со главниот сервисер на Плимонт, од чија страна е укажано дека проблемот најверојатно е во инсталацијата, со можност да има и дефектен компјутер. Тоа што сакаме да потенцираме дека на клиентот е децидно кажано дека средување на инсталацијата ќе чини 3000 денари, прашан е дали ќе одговара цената, и тој се согласил на таа цена и дал налог да се работи.
Се направи детален преглед на плинскиот уред, се востанови дека кабелажата која ја донесол клиентот е дефектна. и дека е потребно ново преспојување на инсталацијата. Самата постапка траеше околу 3 часа, а притоа треба да се каже дека се работеи за 8-9 години стар уред, немаме информација каде е вграден но дефинитивно не е одржуван кај нас. Отстранета е проблематичната кабелажа, направено е ново поврзување и откако се осигуравме дека се е коректно поврзно, внесен е нов софтвер и направена е калибрација на плинскиот уред. Плинскиот уред профункционира коректно и возилото е предадено на клиентот со функционален плински погон.
Кабелажата која ја донесол клиентот е во сервисот во Аеродром, може да се земе во секое време, на нас не ни треба, од такви кабелажи за постари системи кои не се користат со години, имаме десетици пакети останати во магацин.
