Да ја претставиме и оваа кола.
Шкода Суперб 2.0 ТДИ со 150 кс и Актив ниво на опрема, ова е почетното ниво на опрема, на ова дополнително е додадено металик боја, предни сензори за паркирање, радио Болеро со 8 инчен дисплеј и 17 алумински бандажи Зеус. Покрај теписонски патосници ми дадоа и оригинални гумени патосници.
Бојата е темно кафеава и навечер и на облачно време изгледа повеќе на црна а на светло и сонце е темно кафеава, и бојата страшно многу ми се свиѓа и можеби тоа беше причината поради која се залепивме за колава во салон.
За мене опрема има и повеќе од доволно, поради изглед фали лед предни светла и ксенон, а позади нема потпирач за рака во средина, ама бидејќи отидов со цел да купам Октавија а завршив со Суперб јас сум ПРЕЗАДОВОЛЕН од опремата.
Еве и некоја слика, подобри ќе ставам деновиве.
Еве слики и од внатре
Првични импресии ми се дека колава е ОГРОМНА, се во неа е големо и пространо, гепекот е 625 литри и страшно практичен поради 5-тата врата, и тоа е најголема причина што земав Суперб а не некоја друга караван.
Моторот е тром на старт за да после е одличен, се осеќа дека е тешка и голема кола, и местото не и е низ град.
Меѓуубрзањата и се одлични, мислиш асвалтот ќе го откорне од што има голем торк.
Првите 100 км низ град покажува 7,1 просечна потрошувачка што е небитно во моментов, очекувам да троши околу 9 литра али и тоа ќе видиме.
Во понеделник идам за Грција со неа па ќе ја пробам на отворено како ќе се однесува.
