Не ми треба филинг на комбе, ми треба филинг на кола - затоа караван. Практичност ќе ти понудат двата типа на возила, ама на различен начин.
Велештрумф е во право. И тоа многу.
Во споредба со МПВ возилата- возилата во караванска изведба имаат пониско тежиште.
Ако споредиме МПВ и Караван возила кои тежат по 1.5 тона (инертна маса што треба да ја задвижат и да ја одржат во движење), тогаш кај МПВ возилото заради повисокото специфично тежиште, врз патниците ќе дејствуваат поголеми инерцијални сили во свиок отколку кај караванот. На сликата има прикажано многу едноставна и упростена пресметка од која може да видиме дека висината на тежиштето директно влијае врз комфорот на патниците, заради различното дејствување на инерцијалните сили врз нив. Теоретски, резултантата сила (која е збир на сите маси од возилото кои што дејствуваат во тежиштето), ќе има нападна точка во однос на подлогата на различни висини, односно моментот што во таа ситуација ќе се јави кај МПВ возилото ќе биде осетно поголем отколку кај караванот. (на сликата лево е прикажан упростен модел на МПВ, десно е модел на караван возило)
Што тоа значи?
Патниците кои што се возат во МПВ возилото ќе треба да вложат поголем физички напор за да го одржат седењето, или телото во положба која е комфорна за време на патувањето. Овој физички напор е пред се рефлексивен и телото го остварува како реакција на силите кои што му дејствуваат, и патникот за ова воопшто не е свесен. Па така по извозени 500км, патникот од МПВ возилото ќе биде значително по уморен отколку од патникот кој што се возел во караван возилото. Најчесто ваквите оптоварувања врз телото го викаме "боди рол", но при дизајнирање на возилата и нивниот комфор тие се земаат како динамичко оптоварување кое што константно влијае врз комфорот на патникот.
За да ги намалат овие динамички оптоварувања кои ги трпат патниците, најчесто производителите вршат компјутерска корекција на крутоста на амортизерите (кај high-end моделите кои имаат таква понуда во дополнителна опрема) во свиоците, со цел да ја намалат големината на силата F, бидејќи висината на тежиштето во текот на возењето е секогаш иста. Тоа значи за да имаме ист комфор кај МПВ и караван возилото, потребно е силата F1 да ја намалиме за процентуалната разлика на висините на тежиштата на двете возила. Во пракса тоа би значело, дека при влез во свиок, системот за потпирање со активна контрола ќе мора да ја зголеми крутоста на амортизерите од страната на возилото која е поблиску до центарот на ротација во свиокот, со цел да го намали "body roll" -от. Всушност тоа значи река во тежиштето на возилото ќе дејствува (Fa) сила спротивна од силата на насоката на масата на возилото, која всушност ќе ја намали резултантната сила до таа мерка што производот на резултантната сила со висината на возилото МПВ ќе биде ист со производот на резултантната сила и висината на караван возилото.
Во услови на експлоатација на МПВ и караван возилата со нормална ОЕМ суспензија без никаква компјутерска корекција, МПВ возилото ќе понуди помал комфор на патниците и истите ќе бидат по уморни за разлика од патниците во караван возилата.
Доколку и двете возила се возат на иста делница од автопат, и ако автопатот има 100 свиоци, телото на патниците во МПВ возилото ќе вложи поголем реактивен напор да се одржи во комотна позиција за патување во седиштето, за разлика од караванот. Ако висината на тежиштето на МПВ возилото е 1.1 метар од земја, а на караванот 0.8 метри од земја (вредностите се апроксимативни) имаме разлика од 27% во висините на возилата, односно 27% поголеми оптоварувања врз телото во сите 100 свиоци од патот кај патниците во МПВ возилото, под претпоставка дека во возилата имаме ист број на патници и имаат иста специфична маса од 1.5 тона.
Имање простор во возилото во гепек или над главата во кабина, не е никаков критериум за поголем комфор при патување.
Нормално дека патниците во МПВ возило и караван ќе стигнат далеку по одморени и свежи отоколку да патуваат со Ford Fiesta, Polo и слично, но во директна споредба МПВ со караван, патниците во караван возилото ќе бидат нај "одморени".
И така.
